Putin Azärbaycan ilbaşı İlham Aliyevnı qabul itte

Putin Tawlı Karabax mäs’äläsen tınıç yul belän çişüdä mömkin bulğan här yärdämne kürsätergä ışandırdı

Putin Azärbaycan ilbaşı İlham Aliyevnı qabul itte

Rusiyä däwlät başlığı Vladimir Putin Tawlı Karabax mäs’äläsen tınıç yul belän çişüdä mömkin bulğan här yärdämne kürsätergä ışandırdı. Bügen ul Kreml’dä Azärbaycan ilbaşı İlham Aliyevnı qabul itte. Soñınnan ike lider urtaq belderü yasadı.

Putin ike ilneñ xökümätläre häm oyışmaları arasında xezmättäşlek turında dokument imzalanuın telgä aldı. Bu - Rusiyä belä Azärbaycan arasında säwdä häm investiśiyälärne arttıru yulında karta bulaçaq. Xäzerge waqıtta da bu nisbättän uñay kürsätkeçlärgä ireşkännär. Uzğan yıl säwdä äyläneşe yaqınça 35%qa artıp 2,5 milliard dollarğa citkän. Putin Azärbaycanda küp kenä Rusiyä ênergetika şirkäteneñ uñışlı ğına êşläp kilüen dä assızıqladı.

Monnan tış, ike lider töbäk häm xalıqara mäs’älälärdä fiker alışqan. Anda Tawlı Karabax mäs’äläse dä telgä alına. Aliyev küptän däwam itüçe häm Azärbaycan xalqına zur qayğılar kitergän bu mäs’älägä oçraşuda ähämiyätle urın birelüen belderde. Ul ber millionnan artıq azärbaycanlınıñ andağı bäreleşlärdän soñ möhacir xälenä kilüen häm cirlärennän kitärgä mäcbür buluın xäterlätte. “Mäs’äläneñ tiz arada xäl itelüe watandaşlarıbıznıñ tarixi cirlärenä kire qaytuın häm töbäktä xezmättäşlek, totrıqlılıq, tınıçlıqnı täêmin itär,”-dide Äzärbaycan ilbaşı.  



Bäyläneşle xäbärlär