Antaliya tatarları Tatarstan könendä qatnaştı

Antaliya tatarları Qazanda ütkärelgän Tatarstan köne çaralarında qatnaştı

Antaliya tatarları Tatarstan könendä qatnaştı

1990nçı yılnıñ 30nçı avgust könne Tatarstan parlamentında qabul itelgän Möstäqıyl’lek deklaraśiyaseneñ yıllığında ütkärelüçe Tatarstan häm Qazan köne bäyrämendä bıyıl Antaliya tatarları da qatnaştı.

İñ êlek Ğabdulla Tuqaynıñ yañartılğan muzeyın açu tantanasına barğan Antaliya tatarları soñınnan “Qazan” ğailä Üzäge yanındağı çatırda üz poçmağın açtı.

Törkiyäneñ Antaliya vilayätendäge Koniyaaltı cirle xakimiyäte qarşındağı Şähär şurasınıñ çit il keşeläre belän êlemtälärdän cawaplı räise Oksana Nazarovanıñ äydäp baruçanlığındağı Antaliya tatarları törkeme äle bıyıl ğına oyışuına qaramastan küp sanda ildäşne bergä cıya aldı, bıyıl berençe tapqır Antaliyada Sabantuy ütkärde.

Tatarstan başqalasına yasağan säfärläre waqıtında Qazan, Seber häm Baqı tatarlarınıñ öleş kertüe belän dä Antaliya tatarları sänğät häm ädäbiyat ähelläre, fän êşlekleläre, räsmi zatlar belän küp sanda qızıqlı häm faydalı oçraşular ütkärde.

 

 


Bäyläneşle xäbärlär