Aliyev Merkelne qabul itte

Germaniya Kanślerı Baqığa räsmi säfär yasadı

Aliyev Merkelne qabul itte

Aliyev rӓsmi söylӓşülӓrdӓ qatnaşır öçen Baqığa kilgӓn Germaniya Kanślerı Angela Merkelne qabul itte.

Aliyev hӓm Merkel’ wӓkilleklӓrara söylӓşüdӓn soñ matbuğat oçraşuı oyıştırdı.

İlham Aliyev Merkelneñ Azӓrbaycanğa berençe tapqır kilüen ӓytep, monıñ tarixi sӓfӓr buluın citkerdw.

Aliyev bu sӓfӓrneñ Germaniya-Azӓrbaycan mönӓsӓbӓtlӓreneñ üsüenӓ tizlek östiyӓçӓgenӓ ışanuın assızıqladı.

İlbaşı Merkelğa regional’ iminlek mӓs’ӓlӓlӓre belӓn ayıruça Tawlı Qarabax probleması belӓn bӓyle mӓğlümat birde.

Azӓrbaycan dӓwlӓt başlığı İlham Aliyev il cirlӓreneñ ozaq yıllar buyı yawlaw astında buluın belderep: “Ӓrmӓn armiyase yawlaw astındağı cirlӓrdӓn şunduq çığarılırğa tiyeş,” – dide.

Azӓrbaycan ilbaşı Azӓrbaycan hӓm Germaniya arasındağı sӓwdӓ külӓmeneñ artuına iğtibarnı cӓlep itep, alman şirkӓtlӓreneñ Azӓrbaycanda şaqtıy proyektka quşıluın, Merkel sӓfӓrennӓn soñ êşçӓnlekneñ tağın da üsӓçӓgen kötülӓren ӓytte.

Merkel’ isӓ Azӓrbaycannıñ ileneñ bu töbӓktӓge iñ zur hӓm iñ möhim sӓwdӓ partnyerı buluın belderep: “Germaniya Azӓrbaycan iqtisadınıñ törlӓnderelüenӓ öleş kertergӓ ӓzer,” – dide.

Merkel’ Awrupa ênergetika çığanaqlarınıñ törlӓnderelüendӓ Azӓrbaycannıñ möhim faktör buluına iğtibar cӓlep itte, Kön’yaq Gaz koridorınıñ Awrupanı ênergiya belӓn tӓêmin itüdӓ zur rol’ uynayaçağın citkerde.

Angela Merkel’ Tawlı Qarabax problemasınıñ çişelüen telӓwlӓren belderep, töbӓktӓge barlıq qıyınlıqlarnıñ tınıç yul belӓn çişelüe yaqlı buluların açıqladı.

Aliyev hӓm Merkel’ soñınnan Azӓrbaycan hӓm alman êşmӓkӓrlӓre belӓn küreşep söylӓşte.



Bäyläneşle xäbärlär