Tatarstanda berençe törkem xacğa kitte

Tatarstannan soñğı xacilӓr törkeme 15 avgust könne yulğa çığaçaq

Tatarstanda berençe törkem xacğa kitte

Turktatar.com beldergänçä Tatarstannıñ “DUMRT-Xac” rӓsmi xac operatorı oyıştırğan 49 keşelek berençe törkem xaci namzӓtlӓre bu atnada izge cirlӓrgӓ yul tottı.

Berençe törkem Qazan-Mӓskӓw-Dubai oçqıç sӓfӓrennӓn soñ Berlӓşkӓn Ğarӓp Ӓmerleklӓrennӓn Soğud Ğarӓbstanına avtobus belӓn baraçaq hӓm 5 sentӓbr’ könne Tatarstanğa qaytaçaq.

Xalıqara “Qazan” aêroportına xacilӓrne ozatırğa kilgӓn Tatarstan möftiye Qamil Sӓmiğullin xac belӓn bӓyle mӓğlümat birde, isӓn-saw barıp qaytuların telӓde.

2018dӓ Tatarstannan xacğa 1800 keşe baraçaq. Alar arasında kübese “Xac-êkonom” paketın sayladı hӓm şul uq waqıtta “Êkonom-Avia”, “Standart” hӓm “Komfort” paketların da satıp aldı.

Tatarstannan soñğı xacilӓr törkeme 15 avgust könne yulğa çığaçaq.

246 keşelek iñ zur törkem isӓ 11 avgust könne Qazan-Mӓdinӓ sӓfӓre belӓn tup-turı izge cirlӓrgӓ baraçaq.

Xacğa baruçılarğa 20 tabib hӓrtörle yӓrdӓmne kürsӓtӓçӓk.



Bäyläneşle xäbärlär