Ärdoğan Azärbaycanda

Törkiyä ilbaşı Räcäp Tayyip Ärdoğan, yañadan wazıyfasına saylanğannan soñ, täwge räsmi säfären Azärbaycanğa yasadı

cumhurbaskani erdogan azerbaycan1.jpg
cumhurbaskani erdogan azerbaycan2.jpg

Törkiyä ilbaşı Räcäp Tayyip Ärdoğan, yañadan wazıyfasına saylanğannan soñ, täwge räsmi säfären Azärbaycanğa yasadı. Anı Baqıdağı Zagulba sarayında xezmättäşe İlham Aliyev tantanalı räweştä qarşıladı. Soñınnan alar küzgä-küz oçraşu ütkärde. İke lidernıñ söyläşüennän soñ delegaśiyälär arasında küreşülär buldı.

Törkiyä däwlät başlığı tantanağa qadär Azärbaycannıñ märxüm ilbaşı Xäydär Aliyevnıñ qaberen, törek häm azärbaycan şähitleklären zıyarät itte. Ärdoğan Xäydär Aliyevnıñ häm xatını Zarifä Aliyevanıñ qaberlärenä  çäçäklär quydı.  Soñınnan ul 20nçe ğıynvar şähitläre istälegenä quyılğan mäñgelek ut häykälenä dä taqıya saldı.  Baqı törek şähitlegendä isä Ärdoğan här qabergä ayırım-ayırım qanäfer quydı. İstälek kitabına bolay dip yazdı:

“Ğaziz şähitlärebez,   

Tarixi 24nçe iyül’ saylawlarınnan soñ ilbaşı xökümäte sistemasınıñ 1nçe ilbaşı bularaq ruxi xozurığızğa kilüem belän bäxetlemen.  Sezneñ fidaqär’lektän alğan ilham belän moña qadär häm, inşallah, monnan soñ da Törkiyä – Azärbaycan mönäsäbätläreneñ här tarmaqta üsüe öçen tırışunı däwam itäçäkbez. Ruxığız şat bulsın.”

Ärdoğan Baqıdan soñ Tön’yaq Kipr Törek Cömhüriyätenä yul totaçaq.



Bäyläneşle xäbärlär