• Video galereyası

Üzbäkstanda Ramazan bäyräme uñayınnan yarlıqaw iğlan itelde

İlbaşı Şäwkät Mirzizoyev il tarixında berençe tapqır mäxkümnärgä qarata şundıy adım yasadı

Üzbäkstanda  Ramazan bäyräme uñayınnan yarlıqaw iğlan itelde

Üzbäkstanda täwge tapqır Ramazan Bäyräme uñayınnan yarlıqaw iğlan itelde. İlbaşı Şäwkät Mirzizoyev il tarixında berençe tapqır mäxkümnärgä qarata şundıy adım yasadı. Qarar êşlägän cinayäte öçen ükenüçe 226 keşegä qağıla. Anıñ qısalarında 102 mäxküm törmädän azat iteläçäk, 71e şartlı räweştä irekkä çığarılaçaq, 39ınıñ cäzası üzgärü näticäsendä irekle qalaçaq, 14 mäxkümneñ isä utıru waqıtı kimeteläçäk.

Yarlıqawğa êläkkännärneñ 40ğı – 60 yäş’tän olı keşelär, 39ı – çit il grajdannarı, 37se – xatın-qızlar, 51e – tıyılğan oyışma äğ’zaları.

Qararda azat itelgän mäxkümnärneñ ictimağıy tormışta üz urınnarın tabu häm êşkä urnaşuında däwlät organnarınıñ kiräkle yärdämne kürsätergä tiyeşlege dä belderelgän.  



Bäyläneşle xäbärlär