80 yäş’lek qazax äbiläre säxnäne görlätä

Qazaqstan başqalası Astanada pensioner xanım Kulyaş Kasparmakova 80 yäş’lek äbilär belän xor oyıştırdı

80 yäş’lek qazax äbiläre säxnäne görlätä

Qazaqstan başqalası Astanada pensioner xanım Kulyaş Kasparmakova 80 yäş’lek äbilär belän xor oyıştırdı. “Äbilär şanırağı” dip ataluçı sänğat’ törkeme xalıq muzıkasın tanıtırğa omtıla.

Kasparmakova Qazaqstan milli kitapxanäsendä êşläp 4 yıl êlek layıqlı yalğa çıqqan. Ämma sänğat’kä tartıluçı küñele aña tik yatarğa irek birmi. Ul äle êşlägän waqıtta da ,2009nçı yılda da xor oyıştırıp yaqınça 10 yıl törle mädäni çaralarda qatnaşqan.  

Xordağı 14 äbi milli kiyemnär kiyep çatır şikelle yasalğan säxnädä xalıq cırların cırlap qul êşläre belän şöğıl’länä. Şulay itep alar, qazaxlarnıñ borınğı ğoref-ğadätlären, käseplären dä tanıta.

Törkemdäge äbilärneñ iñ olısına 82 yäş’. Kasparmakova beldergänçä, äbilärneñ ênergiyäse taşıp tora. “Qayberläre uraza totqan kileş konśertlarda qatnaşa. Konśert quyabız disäk, böten êşlären taşlap kilälär,”-di ul.

Xor “şanırak” dip yörtelüçe çatırğa oxşağan säxnädä çığış yasıy. Şul säbäple törkemneñ isemen dä “Äbilär şanırağı” dip quyğannar.

Kasparmakova beldergänçä, xornı mäktäplärgä, universitetlarğa häm törle oyışmalarğa çaqıralar. “Yäş’lärdä millätpärwärlek xisen uyatırğa tırışabız,”-di ul.

2017nçe yılda xor Astana EXPO Xalıqara ênergetika kürgäzmäsendä 3 ay buyı konśert quyğan. Turistlar tarafınnan zur qızıqsınu kürülären söylilär. Başqa şähärlär häm çit illärdän dä çaqırular kilä ikan. Ämma olı yäş’täge xanımnarnıñ sälamätleklärenä zıyan kitermäs öçen bara almıylar.



Bäyläneşle xäbärlär