Çik buyı qapqaları açılğan

Üzbӓkstan hӓm Tacikstan arasındağı qapqalar 10 yıldan soñ qabat açılğan

Çik buyı qapqaları açılğan

İke il arasındağı "Cartepa", "Kuşkent", "Uçturgan", "Havastabad", "Bekabad", "Pap", "Ravat", "Gülbahar" avtoyulı hӓm “Amuzang” timer yulı çik buyı qapqaları tantanalı rӓweştӓ açıldı.

Tantanada hӓr ike ildӓn şaqtıy watandaş qatnaşqan.

Amuzang timer yulınnan berençe poyezd sӓfӓrlӓre 7 mart könennӓn başlanaçaq.

Üzbӓkstan tışqı êşlӓr ministrlığınnan aysalğan açıqlawda çiklӓrneñ açıluınıñ ike il xalıqları arasındağı qardӓşlek mönӓsӓbӓtlӓren üsterӓçӓge hӓm Üzbӓkstan belӓn Tacikstan arasındağı yaqın kürşelek hӓm ike yaqlı mӓnfӓğat’lӓrgӓ tayanğan mönӓsӓbӓtlӓrneñ tağın da nığıtaçağı assızıqlanğan.

Uzğan yılnı ike il arasında 25 yıldan soñ oçqıç sӓfӓrlӓre qabat başlatılğan ide.

Üzbӓkstan belӓn tacikstan arasında monnan alda 16 çik buyı qapqası êşçӓnlek başqara ide, 9 qapqa belӓn bu san 25kӓ citte.

Tacikstan qorırğa telӓgӓn gidroêlektr stansiyasenӓ Üzbӓkstannıñ qarşı çığuı belӓn ike il arasında kileşmӓwçӓnleklӓr barlıqqa kilgӓn hӓm 2005-2008 yıllarda qayber çik buyı qapqaları yabılğan ide.



Bäyläneşle xäbärlär