Baqıda “Aziyanıñ yöräge - İstanbul barışı”

Azärbaycan başqalası Baqıda “Aziyanıñ yöräge - İstanbul barışı”nıñ cidençe ministrlar konferenśiyası” başladı

Baqıda “Aziyanıñ yöräge - İstanbul barışı”

Konferenśiyanıñ açılış utırışında Azärbaycan İlbaşı İlham Aliyev häm Äfğanstan Däwlät başlığı Äşräf Gani qatnaştı.

Aliyev cıyılışta yasağan çığışında “Aziyanıñ yöräge - İstanbul barışı”n Äfğanstannıñ üseş aluına öleş kertäçäk barış bularaq kürülären häm yaqlawların äytte.

Cir bötenlekläreneñ tanıluı häm saqlanıluınıñ regional’ iminlekneñ iñ berençe şartı häm dönyada iminlekne täêmin itüçe iñ möhim faktorlardan berse buluın assızıqlawçı Aliyev: "Äfğanstannıñ iminlege töbäk iminlegenä dä öleş kertäçäk. Äfğanstan duçar bulğan iminlek yanawlarına urtaq cawap birergä tiyeşbez. Azärbaycan üz täcribäsen Äfğanstan belän urtaqlaşırğa äzer. Qorallı köçlärebez, xärbi belem birep, Äfğanstanğa yärdäm itä”, - dip äytte.

Regional’ säwdä mönäsäbätläreneñ üseş aluında da Äfğanstanğa yärdäm kürsätülären belderüçe Aliyev: "Bez tormışqa aşırğan transport proyektları Äfğanstan tovarlarınıñ Awrupağa citkerelüendä yärdäm itäçäk”, - dip äytte.

Äfğanstan Tışqı êşlär ministrı Saluhiddin Rabbani, Azärbaycan Tışqı êşlär ministrı Älmar Mämmädyarov, Paqıstan Tışqı êşlär ministrı Xuca Möxämmäd Asıf, İran Tışqı êşlär ministrı Cävad Zarif, Hindıstan Tışqı êşlär ministrı Mobaşar Caväd Aqbar qatnaşqan cıyılışta Törkiyäne Tışqı êşlär ministrı Mäwlüt Çavuşoğlu wäkillek itte.



Bäyläneşle xäbärlär