Putin Törekmänstanğa säfär yasağan

İke il terrorçılıqqa qarşı urtaq tırışlıqların dӓwam itterӓçӓk

Putin Törekmänstanğa säfär yasağan

Törekmӓnstan dӓwlӓt başlığı Gurbanguli Berdimuhamedov ile belӓn Mӓskӓw citӓkçelegeneň terrorçılıq hӓm narkobiznesqa qarşı urtaq tırışlıqlarnı dӓwam itterӓçӓklӓren beldergӓn.

Törekmӓnstanğa sӓfӓr yasağan Vladimir Putin belӓn küreşep söylӓşkӓnnӓn soň çığış yasağan Berdimuhammedov: “İllӓrebez terrorçılıq hӓm narkobiznes kebek global’ problemalarğa qarşı tӓêsirle körӓş öçen xezmӓttӓşlekne dӓwam itterӓçӓk. Xezmӓttӓşlek ike yaqlı formatta bulğanı kebek xalıqara oyışmalar qısalarında da alıp barılaçaq,” – digӓn.

Törekmӓn lider ayıruça ike ilneň Xӓzӓr diňgezendӓge xezmӓttӓşlek belӓn bӓyle küp yaqlı kileşüneň imzalanuın xuplawın ӓytkӓn.

Berdimuhammedov ayıruça zur rus şirkӓtlӓreneň Törekmӓnstandağı êşçӓnleklӓren kiňӓytüenӓ dӓ şat buluların ӓytkӓn.

Söylӓşüdӓ ayıruça Ӓfğanstan mӓs’ӓlӓseneň bӓyӓlӓnelüen aňlatqan törekmӓn lider: “Törekmӓnstan hӓm Rusiyӓ Federaŝiyase Ӓfğanstandağı wazğiyӓtneň sӓyӓsi hӓm diplomatik yullar belӓn çişeleşkӓ qawıştırıluı yaqlı,” – digӓn.

Söylӓşüdӓn soň Rusiyӓ ilbaşı Putin törekmӓn xezmӓttӓşe Berdimuhammedovka ike il arasındağı mönӓsӓbӓtlӓrneň üsterelüenӓ kertkӓn öleşlӓre öçen Aleksandr Nevskiy ordenın tapşırğan.



Bäyläneşle xäbärlär