Üzbäkstan xökümätendä üzgäreşlär

Üzbäkstan İlbaşı Mirziyoyev yaña saqlanu häm êçke êşlär ministrların bilgelägän

802094
Üzbäkstan xökümätendä üzgäreşlär

İlbaşı Mirziyoyev qul quyğan qararnamä belän 2008nçe yıldan birle saqlanu ministrı bularaq wazıyfa başqarğan Qabul Bädiev, wazıyfasınnan alınıp, Üzbäkstan qorallı köçläre akademiyası citäkçelegenä bilgelängän.

İlbaşı imzalağan başqa ber qararnamä belän ğinwar ayınnan birle êçke êşlär ministrı bularaq wazıyfa başqarğan Abdusalom Azizov ta saqlanu ministrı buldı.

Şul uq waqıtta 2012nçe yıldan birle Harezm vilayäte başlığı bulğan Polat Babacanov Abdusalom Azizovnıñ urınına yaña êçke êşlär ministrı itep wazıyfalandırıldı.

Üzbäkstan qorallı köçlär akademiyası komandirı Pavel Ergaşev ta Mirziyoyev imza salğan qararnamä belän Saqlanu ministrı urınbasarı häm ber ük waqıtta Kön’yaq-Könbatış xärbi töbäk komandirı buldı.

İlbaşı Mirziyoyev avgust ayında qul quyğan qararnamä belän Prem'yer-ministr urınbasarı Uluğbäk Rozikulov, wazıyfasınnan alınıp, Üzbäkstan hawa yulları idarä şurası başlığı bulıp wazıyfalandırılğan, anıñ urınına Nadir Atacanov Prem'yer-ministr urınbasarı bulğan ide.



Bäyläneşle xäbärlär