Tatarstanda Xalıqara Qazan möselman kinosı festivale uza

Tatarstan ilbaşı äytüençä festival’gä iğ’tibar yıldan yıl arta bara

Tatarstanda Xalıqara Qazan möselman kinosı festivale uza

 

Tatarstanda 13 nçe Xalıqara Qazan möselman kinosı festivale tantanalı räweştä başlandı.

Qazandağı “Piramida” mädäniyat häm küňel açu üzägendäge tantana qatnaşuçılarnıň qızıl kelämnän uzu ŝeremoniyäse belän başlanıp kitte.

Tatarstan ilbaşı Röstäm Miňnexanov açılış tantanasında yasağan çığışında festival’neň yıldan yıl tağın da kübräk iğ’tibar cälep itüen belderde.

Festival’dä Törkiyäne qısqa metrajlı fil’m nominaŝiyäsendä wäkillek itäçäk “Divar” fil’me rejisserı Mostafa Koray Polat Qazanğa berençe tapqır kilüen häm bu festival’dä qatnaşudan bik qanäğät’ buluın citkerde.

Polat “Divar” fil’meneň balaları belän Törkiyädä yäşäwçe süriyäle xatınnıň xikäyäsen aňlatuın belderde.

Festival’dä Törkiyädän şulay uq Abdulgafur Şahinnıň “Çönki ğıyşıq”,Mostafa Karanıň “Kalandar suığı”,Mäxmät Başaknıň “Êlekke matur könnärneň azağı” fil’mnäre dä qatnaşa.



Bäyläneşle xäbärlär