"Asıl watanıbız – azat Qırım"

Qırım tatarları Törkiyädä cıyıldı.

Törkiyä başqalası Änkarada 2nçe Bötendönya Qırım Tatar Kongressı ütkärelde.

1-2nçe avgust könnärendä uzğan Kongressta qırım tatarlarınıñ bügenge awır wazğiyäte, Rusiyä tarafınnan qanunsız bularaq üz cirlärenä quşılğan Qırımdağı waqiğalar söyläşelde, şuşı häm başqa mäs'älälärgä qağılışlı qararlar, rezolyutsiya, dönya xalıqlarına häm qırım tatar xalqına möräcäğät qabul itelde, Kongress citäkçelege saylandı.

Qırım tatar xalqınıñ legendar liderı Mostafa Abdülcämil Qırımoğlu häm Qırım tatar milli mäclese başlığı Refat Çubarov belän bergä Törkiyä, Ukraina, Amerika Quşma Ştatları, Rumıniya häm başqa şaqtıy ildän qırım tatar wäkilläre qatnaşqan Kongressnıñ çirattağı qorıltayı Qırımda yäisä andıy mömkinlek bulmağan oçraqta Ukraina başqalası Kiyevta ütkäreläçäk.

Professor doktor Hakan Qırımlı Törkiyä başqalası Änkarada uzğan 2nçe Bötendönya Qırım Tatar Kongressı turında söyläde.

Äñgämäne video uynatqıçınnan qarıy alasız yäisä tawış uynatqıçınnan tıñlıy alasız.

Qırım tatar liderı Mostafa Abdülcämil Qırımoğlunıñ jurnalistlar belän urıs telendä ütkärelgän äñgämäsen biredän qarıy alasız.