Ğayaz İsxaqi İstanbulda iskä alındı

Tanılğan yazuçığa bağışlanğan simpoziumda Törkiyädä yäşäwçe tatar uqıtuçı-ğalimälär häm törek ğalimnäre çığış yasıy

Ğayaz İsxaqi İstanbulda iskä alındı

20nçe fevral könne Törkiyäneñ İstanbul qalasında tanılğan yazuçı, cämäğät eşleklese Ğayaz İsxaqiğa bağışlanğan simpozium uzdı.

Simpoziumnı Ğayaz Tahir Törkestan İdel-Ural waqıfı oyıştırdı.

XX ğasırnıñ berençe yartısında tatarlar häm ğomumän törki xalıqlarnıñ kiläçäge öçen aktiv köräş alıp barğan Ğayaz İsxaqinıñ bıyıl tuuınıñ 137 yıllığı bilgeläp ütelä.

Bu uñaydan oyıştırılğan simpoziumda Törkiyädä yäşäwçe tatar uqıtuçı-ğalimälär häm törek ğalimnäre çığış yasadı.

Çığışlarda Ğayaz İsxaqinın tormış yulı, icatı, milli köräşe, äsärlärendä milli qimmätlär, jurnalistika ölkäsendäge xezmätläre, gazet-jurnallarda dönya kürgän mäqaläläre häm tatar milli üzañınıñ formalaşuında anıñ role kebek temalar yaqtırtıldı.

Simpozium turında mäğlümat birep uzğan dotsent doktor Çulpan Zaripova Çätin belän äñgämäne tawış uynatqıçınnan tıñlıy alasız.

Simpozium fotoräsemnärenbiredän qarıy alasız.



Bäyläneşle xäbärlär