Törek matbuğatına küzätü 22.01.2019

22nçe ğıynvar könne çıqqan qayber törek gazetlarına küzätü

Törek matbuğatına küzätü 22.01.2019

“Star” gazetı ilbaşı Ärdoğan süzläre belän “Cawabı bik awır bulaçaq” dip yaza

İlbaşı Räcäp Tayyip Ärdoğan terrorçılıq belän köräş xaqında: “Bez Cudidä, Cabarda terrorçılar belän köräşmibez. Ul bezneñ ikençe planda. Berençe plan - çik buyındağı terrorçılar belän  köräş. Älbättä, bu caylı köräş tügel, monnan soñ da caylı bulmas. Qarşılıqnı däwam itäçäkbez. Kem bulsa bulsın, keçkenä genä höcüm yasawçılar da monıñ cawabın bik awır biräçäk,”-di.

“Xäbär Türk” gazetında “İstanbulda yäşäw öçen 5 säbäpneñ berse” digän mäqalä çıqtı

Tanılğan biznes häm iqtisad gazetı “Finanşel Tayms” 21nçe ğınvar sanında “İstanbulda yäşäw öçen 5 säbäp” dip ataluçı mäqalä bastırdı. Anda iñ başta İstanbulnıñ zamança sänğat’ märkäze buluı äytelä. Sentyabr’ ayında şähärdä franśuz küratör, yazuçı häm akademik Nikolya Burrio citäkçelegendä “Cidençe qıytğa” iseme astında 16nçı İstanbul biennale uzaçaq.  Ul älege mäqalädä 2019nçı yılnıñ xalıqara sänğat’ kalendarendäge iñ qızıqlı çaralardan berse bularaq belderelä.   

“Xörriyät” gazetı xäbär itkänçä, “İstanbul aêroportına küçenü waqıtları dön’yağa räsmi räweştä iğ’lan itelde”

İstanbul aêroportına transfer waqıtı häm programması NOTAM dip ataluçı aviatorlarğa mäg’lümat citkerü xäbäre belän dön’yağa taratıldı. Anıñ buyınça, küçenü 2019nçı yılnıñ 1nçe martında tönge säğat’ 3tä başlanaçaq.

“Yaña Şäfaq’” gazetı “Antaliyä 2019nçı yılğa turizm rekordı belän kerde” dip xäbär itä

Antaliyägä 2019nçı yılnıñ täwge 20 könendä kilgän çit il turistı sanı barlıq waqıtlarnıñ rekordın uzıp 100 meñnän ütep kitte. Bu kürsätkeç, 2018nçe yılnıñ şul uq çorı belän çağıştırğanda, 63%qa artıq.  

“Sabax” gazetı “Törek hawa yullarınnan Super Kubok xäräkäte” turında yaza

AQŞnıñ iñ zur sport çaralarınnan sanaluçı Amerika milli futbol ligasınıñ final matçı 3nçe fevral’dä Atlantada uzaçaq. Törek hawa yulları anda reklaması belän urın alaçaq. Monıñ tışında ul dön’yanıñ törle poçmağınnan Super Kubok uyınnarı öçen tamaşaçı kiteräçäk.



Bäyläneşle xäbärlär