Törek matbuğatına küzätü 11.01.2019

11nçe ğıynvar könne çıqqan qayber törek gazetlarına küzätü

Törek matbuğatına küzätü 11.01.2019

“Yaña Şäfaq’” gazetı “Ärdoğan separatist terrorçı oyışması mäs’äläsendä xaqlı” dip yaza

İngliz gazetı Taymsnıñ internet säxifäsendäge mäqaläsendä ilbaşı Räcäp Tayyip Ärdoğannıñ YPG mäs’älälsendä xaqlı buluı äytelä. Xäbärdä PKK belän YPG arasında ayırma bulmawı assızıqlana. Anda yazılğança, dön’yanıñ aldınğı kapitalist köçe, NATO häm Könbatış berlekläreneñ liderı AQŞnıñ ideologiyäse, modası iskergän marksizm beläm Mürrey Bukçin isemle bik tanılmağan anarxist fälsäfäçeneñ ışanuları arasında tirbälüçe terrorçı oyışması YPG/PKKnı yaqlawı añlaşılmıy.  

“Watan” gazetı yazğança, “Amerika Quşma Ştatları delegaśiyäse Patriotnı satu öçen kilä”

15nçe-16nçı ğıynvarda AQŞtan ber delegaśiyä Patriot hawa saqlanu sistemalarınıñ satışı turında söyläşü öçen Törkiyägä kiläçäk.  Alar kiläse atnada Saqlanu sänäğate idaräsendä oçraşular ütkäräçäk. AQŞ tarafınıñ Patriotnı satu öçen töp şartı - Törkiyäneñ Rusiyädän S-400ne aludan waz kiçüe. Ämma töreklär moña uñay qaramıy. Törkiyädän ber delegaśiyä ğıynvar ayı axırında Vaşingtonğa baraçaq.  

“Sabax” gazetı “Milli programmadan täwge xäbär” turında yaza

Xärbi platformalar häm komanda üzäkläre arasındağı taktik mäğ’lümatnı imin räweştä citkerü maqsatı belän alıp barıluçı êşçänlektä ähämiyätle uñışqa ireşelde. Programma texnologiyäläre firması MilSOFT tarafınnan cirle häm milli taktik mäğ’lümat linkı programması äzerlände. NATO standartlarındağı milli programma Törkiyädä citeşterelgän radio, modem häm kripto sistemaları belän êş itä aluçı xärbi platformalar arasında milli link belän yasalğan çeltärne qullanılışqa kertä. Unışlı räweştä sınaw uzğan programmada täwge yullaw “Sälam, tarixi mizgel” buldı.

“Xäbär Türk” gazetı yazğança, “Maqsat 70 million turist, 70 milliard dollar tügel”

Mädäniyät häm turizm ministrı Mähmät Ärsoy Niderlandnıñ Utrext şähärendä bıyıl 49nçı tapqır oyıştırılğan turizm kürgäzmäsendä qatnaştı. Ministr törek turizmınıñ 2018nçe yılda citdi üseşkä ireşüen belderde. Ul bıyıl turist sanında 18-20% artu kötülären söyläde. Anıñ äytüençä, 2019nçı yılğa maqsatlar yuğarı. “Yaña maqsatıbız 70 million turist, 70 milliard dollar tügel”, -dide ul.

“Star” gazetı “Xäläl turizmçılarnı ğorurlandırğan büläk” turında yaza

Xäläl turizm mäydanında Törkiyädä alğa kitkän, qunaqlarına kimçeleksez häm yuğarı sıyfatlı xezmät birüçe Alaniyädä urnaşqan 5 yoldızlı “Adin Beach Hotel” maqtawlı isemlekkä kerde. Anda böten dön’yadağı 900 meñ qunaqxanäne 8 million yal itüçe bäyäläde. “Adin Beach Hotel” 2019nçı yılda iñ yaxşı yal itü urını bularaq täq’dim itelgän qunaqxanä iseme aldı.



Bäyläneşle xäbärlär