Törek matbuğatına küzätü 13.12.2018

“Watan” gazetı: “Ärdoğan: “Xäräkät berniçä könnän soñ başlanaçaq”

İlbaşı Räcäp Tayyip Ärdoğan kiçä Bäştäpä Millät kongress häm mädäniyät üzägendä Törkiyä saqlanu sänäğäte sammitında yasağan çığışında Süriyädä Färat yılğasınıñ könçığışındağı terror maqsatlarına berniçä kön êçendä xäräkät başlatılaçağın belderde. Ärdoğan "Färat”nıñ könçığışına xäräkät berniçä köndä başlanaçaq. Terrorçılarnı andan bez çığaraçaqbız”, - dip äytte.

“Xäbär Türk” gazetı: "Böten dönyada törekçä öyränü öçen soraw-taläp arta"

Törek tele cämğiyäte başlığı professor doktor Gürär Gülsävin törek teleneñ monnan arı seriallar belän dä dönyanıñ här yağına taraluın häm dönyada törekçä öyränügä soraw-taläpneñ artuın belderde. Gülsävin törek seriallarına Urta Aziyädä, Yaqın Könçığışta, Balkanda şaqtıy urında zur qızıqsınu kürüen äytte. Gülsävin dönyada amerikan kinosınnan soñ törek seriallarınıñ ikençe urında toruın assızıqlap äytep uzdı.

“Xörriyät” gazetı: “Turistlarnıñ qunar cir öçen saylap alğannarı şuşı ike vilayät buldı”

Mädäniyät häm turizm ministrlığı dokumentına iyä qunaqxanälärdä cirle häm çit il turistlarınıñ yılnıñ 10 ayındağı 133 millionnan kübräk qunar cirdä qalunıñ 66,26%ı Antaliyada häm İstanbulda bulğan. Mädäniyät häm turizm ministrlığı belän Urta diñgez turistik qunaqxanälär häm êşxanälär berlege (AKTOB) xisabına kürä, çit il qunaqları 89 million 108 meñ 184, cirle qunaqlar isä 43 million 954 meñ 237 tapqır qunar cirdä qalğan.

“Sabah” gazetı: “Dön’yanıñ awızı Malatiya örege belän tämlände”

Dön’ya kipterelgän örek ixtıyacınıñ 85%ı qanäğätländerelgän Malatiyadan bıyıl ğinwar-noyabr’ çorında 110 ilgä 42 meñ 377 tonna 143 kilogramm uñış satıldı. Örektä (abrikosta) küläm yağınnan iñ küp êksport Amerika Quşma Ştatları, Franśiya, Germaniya, Braziliya häm Böyekbritanğa yasalğan bulsa, Mal’div utrawlarına 10 häm Tanzaniyağa 100 kilogramm êşlänmäneñ cibärelüe iğ’tibarnı cälep itä.

“Star” gazetı: “Ärdoğan häm Maduronıñ säyäsi duslığı êksportta rekord quydı”

İlbaşı Räcäp Tayyip Ärdoğan belän Venesuêla Däwlät başlığı Nikolas Maduro arasındağı yaqınayu êksport sannarında uñay çağılış taptı. Törkiyädän Venesuêlağa yasalğan êksport 2018nçe yılda 207%lıq artış belän 36 million 700 meñ dollardan 112 million 800 meñ dollarğa citte. Venesuêla importta da Törkiyäne saylap aldı.