Törek matbuğatına küzätü 12.12.2018
12 nçe dekabr' könne basılıp çıqqan qayber törek gazetlarına küzätü
“Xäbär Törek” gazetı “Törkiyädän Awrupa Berlegenä tamğaxanä berlege çaqıruı” isemle xäbärendä 5 nçe Reforma ğamäl törkeme cıyılışınıñ tışqı êşlär ministrı Mävlüt Çavuşoğlu ,ğadälät ministrı Abdulhamit Gül,qazna häm finans ministrı Bärat Albayrak,êçke êşlär ministrı Söläyman Soylu qatnaşında uzuı turında yaza.
Xäbärdän kürengänçä, cıyılış azağında 4 ministr urtaq matbuğat oçraşuı ütkärde. Cıyılış beldergesendä “Törkiyä –Awrupa Berlege tamğaxanä berlegen yañartu,äğ’zalıq söyläşülären iñ qısqa waqıtta başlatu häm Awrupa Berlege, häm Törkiyä faydasına bulaçaq”diyelde.
“Yäni Şafak” gazetı “Çavuşoğlunıñ vizasız säyäxät belderüe” isemle yazmasında Törkiyä tışqı êşlär ministrı Mävlüt Çavuşoğlunıñ Törkiyä watandaşlarınıñ Awrupağa vizasz säyäxät itüläre öçen êşçänleklärneñ däwam itüe turında äytüen belderä.
Çavuşoğlu Törkiyä watandaşlarınıñ Awrupağa vizasız säyäxätkä layıq buluların belderep” Törkiyä migraśiya kileşüe mäs’äläsendä üz östenä töşkänne başqardı. Bu xaqsız ğamälne beterü belän bäyle êşçänleklärne däwam itteräbez”dide.
”Star” gazetı “Qorallı keşesez hawa apparatı yasalma aqıllı bulaçaq” isemle xäbärendä Törkiyä texnologiya törkeme waqıfı idarä şurası başlığı häm Baykar ğomum mödire Haluk Bayraktarnıñ jurnalistlar belän oçraşıp waqıf qısasında alıp barılğan êşçänleklär ,tormışqa aşırılğan proyektlar xaqında mäğ’lümat birüe turında yaza.
Bayraktar ”Yaña buın qorallı keşesez hawa apparatın Akıncıda qullanu öçen yasalma aqıl östendä êş alıp barabız” dide.
”Sabah” gazetı ”2019 nçı yılnıñ säyäxät ağımnarı şäkellänä başladı” isemle xäbärendä yaña turizm sezonında mädäni turlarnıñ yänä alğı planda bulaçağın citkerä.
Kapadokya yaña yılnıñ berençe aylarında da qışqı yallarnıñ iñ populyar urınnarınnan berse bulunı däwam itteräçäk.
”Vatan” gazetı ”Törkiyägä irta bron’när bik tiz arta” isemle xäbärendä tur operatorları platforması süzçese Cäm Polatoğlunıñ yal itü öçen irtä bron’närneñ 10 kön êçendä 40%ınıñ satıluın häm bu mäs’älädä turistlarnı aşığırğa çaqıruın citkerä.
Polatoğlu qunaqxanälärneñ 25-30%ınıñ xäzerdän çit il operatorları tarafınnan satıp alınuın belderde.
