Törek matbuğatına küzätü 06.12.2018

6nçı dekabr’ könne basılıp çıqqan qayber törek gazetlarına küzätü

Törek matbuğatına küzätü 06.12.2018

“Xäbär Türk” gazetı: “Milli xärbi oçqıç cil sınawında”

Awrupada aldınğı 5nçe buın xärbi oçqıç proyektı bulğan “TF-X" cil tunnelendä sınawdan uza. Oçqıçnı bik tiz räweştä tämamlarğa teläwçe Törkiyä konfiguraśiyanıñ soñğı räweşen birä. Kübräk kompozit bulaçaq oçqıç öçen massaküläm citeşterüneñ 2033nçe yılda başlawı häm ul waqıtqa çaqlı 400 zakaz alınuı maqsat itelä.

“Yäni Şafak” gazetı: “Törkiyä grajdan aviaśiyada tarix yazdı”

176 ildän yaqınça 2 meñ hawa mäydanı äğza bulğan Awrupa aêroportları şurasınıñ (ACI) 2008-2018 çorın üz êçenä alğan xisabı açıqlandı. Xisapqa kürä, il bazasında Törkiyä soñğı 10 yılda turıdan-turı bağlantı noqtaları sanın 191%qa arttırdı. Törkiyä turıdan-turı bulmağan bäyläneş noqtaların 130%, hawa mäydanı bäyläneşlären 157% häm network êlemtäse 534% artıp, Awrupada oçış çeltären iñ küp zuraytqan il buldı.

“Star” gazetı: “Törkiyäneñ iñ zur xärbi köymäse “TCG Anadolu”nıñ tapşırıluı 1 yılğa irtäräk bulaçaq”

Bügengä çaqlı Törkiyä flotı öçen êşläp çığarıluı däwam itkän iñ zur köymä bulğan küp maqsatlı “TCG Anadolu” amfibiya höcüm köymäseneñ yasaluı tizlätelde. Proyekt Törkiyäneñ ber quldan alıp barılğan iñ zur saqlanu proyektı häm global’ köç bulu raslawınıñ iñ zur ürnäge. Tapşırıluı 1 yılğa irtäräk başqarılaçaq “TCG Anadolu” köymäse 2020nçe yılnıñ soñğı çiregendä diñgez köçlärenä tapşırılaçaq.

“Sabah” gazetı: “2018dä İzmirgä iñ küp alman turistları kilgän”

Üktäbr’ ayında Törkiyägä kilgän turist sanı monnan aldağı yılğa qarağanda 25.5%qa artıp, 3 million 800 meñ keşe bulsa, ilgä kilgän almannarnıñ zur küpçelegeneñ isä berençe saylap alğan urınnarı İzmir bulğan.

İzmirda üktäbr’ayına qadär Rusiyä, Franśiya, Angliya, Germaniya kebek illärdän 966 meñnän kübräk çit il turistı bulıp kitkän.

Törkiyägä kilgän çit il turistlarınıñ illärgä qarap äzerlängän isemlegendä 604 meñ 73 keşe belän Rusiyä berençe urında bulsa, ikençe urında 589 meñ 626 keşe belän Germaniya, 264 meñ 17 keşe belän Angliya öçençe urında tora.

“Watan” gazetı: “İngliz däwen töreklär sorıy”

Angliya  Premier Liganıñ nigezle klublarınnan “Newcastle United”neñ ber törek konsorsiumına satılu ixtimalı bilgele buldı. Klubnı satıp alu öçen öç keşeneñ qızıqsınuı belderelde. Bolardan berseneñ töreklär buluı assızıqlandı. İseme äytelmägän törek konsorsiumınıñ sezon başınnan birle klubnı satıp alu tırışlığı êçendä söyläşülär alıp baruı citkerelde. Monnan tış ber multi milliardernıñ da klubnı alırğa teläwe belderelgän bulsa, öçençe sorawçınıñ isä “Amerikan Atlanta United” klubınıñ xucası Arthur Blank buluı xäbär itelde.



Bäyläneşle xäbärlär