Törek matbuğatına küzӓtü 11.10.2018

11 üktäbr' könne basılıp çıqqan qayber törek gazetlarına küzätü

Törek matbuğatına küzӓtü 11.10.2018

“Sabah” gazetı Törkiyӓ ilbaşı Ӓrdoğannıň Afrika illӓren cirle aqça belӓn urtaq êş başqarırğa çaqıruın yaza.

Xӓbӓrgӓ kürӓ İstanbulda Törkiyӓ-Afrika II İqtisad hӓm êş forumınıň açılışında çığış yasağan Ӓrdoğan: “Bezneň barlıq qitğada diplomatik bar buluıbız arta. Afrika illӓre dӓ Törkiyӓdӓge diplomatik wӓkilleklӓr sanın 10nan 33kӓ çığardı. BMO İslam xezmӓttӓşlek oyışması kebek xalıqara mӓydannarda Törkiyӓ global’ tınıçlıq hӓm ğadellekneň urnaştırıluı öçen alıp barğan xaqlı körӓşkӓ Afrikalı duslarıbız köçle xuplaw kürsӓtte. Barlıq Afrikalı qardӓşlӓremӓ mörӓcӓğat’ itӓm: cirle aqça, milli aqça belӓn êş başqariq,” – dide.

“Xörriyӓt” gazetı Törek hawa yullarınıň İstanbul yaňa hawa mӓydanındağı sӓfӓrlӓr öçen berniçӓ könnӓn soň bilet sata başlayacağın uquçıları belӓn urtaqlaşa.

Gazet yazuınça zur aêroportnıň rӓsmi açılışınnan soň Törek hawa yulları qayber oçqıç sӓfӓrlӓren monnan başqaraçaq. Satılaçaq biletlar arasında İzmir, Adana, Ӓnkara, Antaliya, Baqı hӓm Tön’yaq Kipr Törek Cömhüriyӓte bar.

Xӓbӓrdӓn kürengӓnçӓ İstanbul Yaňa hawa mӓydanınıň yulçı payınıň 70%ı Törek hawa yullarınıqı bulaçaq. Yaňa aêroportqa küçenü isӓ 30-31 dekabr’ könne çınğa aşaçaq.

“Xӓbӓr türk” gazetı Törkiyӓneň Muğla şӓhӓrenӓ 9 ayda kilüçe çit il turist sanında uzğan yılnıň şul uq çorına qarağanda 32%lık artışnıň küzӓtelüen yaza.

Gazet yazuınça Muğlanıň mӓdӓniyӓt hӓm turizm mödire wӓkile Filiz Karacaağaç şӓhӓrgӓ iň küp kilgӓn turist törkemeneň inglizlӓr buluına işarӓlӓp: “Muğlağa iň küp 900 meň 75 keşe belӓn inglizlӓr kilde. Alardan soň 380 meň 487 keşe belӓn Rusiyӓ, 177 meň 94 keşe belӓn Germaniya, 168 meň 165 keşe belӓn Ukraina hӓm 132 meň 895 keşe belӓn Pol’şa turistları kilӓ,” – dide.

“Star” gazetı bıyıl 4nçese oyıştırılaçaq Xalıqara Ӓnkara qurçaq festivalendӓ 9 ildӓn 36 spektaklneň quyılaçağın citkerӓ.

Gazet yazuınça 12-21 üktӓbr’ könne çınğa aşaçaq hӓm Ӓnkara universitetı Farabiz alında “Sokratnıň soňğı kiçe” spektakle belӓn açılaçaq festival’ qısalarında tügӓrӓk östӓllӓr hӓm diskussiyalӓr uzaçaq, atelyelar belӓn törek sӓnğatçese Ayşe Uysalnıň miniatyura êşçӓnleklӓrennӓn toruçı “Karagöz figuraları” kürgӓzmӓse dӓ urın alaçaq.



Bäyläneşle xäbärlär