Törek matbuğatına küzätü 26.09.2018

“Yäni Şafak” gazetı: "AQŞ monıñ açısın çigäçäk”

Amerika Quşma Ştatlarınıñ N’yu-York qalasındağı Berläşkän Millätlär Oyışmasınıñ 73nçe ğomum şurasında (general’ assambleyasında) çığış yasawçı İlbaşı Räcäp Tayyip Ärdoğan bigräk tä “PKK” separatist terror oyışmasına yärdäm itüçe Amerika Quşma Ştatların kisätte. Ärdoğan Törkiyäneñ Münbiçtän başlap Ğiraq (Ğıyraq) çigenä xätle Süriyä cirlären terrorçılardan çistartılaçağına basım yasap: “Taktik mänfağät’läre öçen terrorçılarnı un meñnärçä yök maşinası, meñnärçä yök oçqıçı belän kiterelgän qoral belän cihazlandıruçılar kiläçäktä monıñ açısın motlaq räweştä çigäçäk”, - dip äytte.

“Star” gazetı: “Ärdoğannıñ Germaniya säfäre mönäsäbätlärdä yaña säxifä açaçaq”

İlbaşı Räcäp Tayyip Ärdoğannıñ 27nçe-29nçı sentyabr’ könnärendä yasayaçaq Germaniya säfäreneñ ike il arasındağı mönäsäbätlärdä yaña säxifä açuı kötelä. Ärdoğan säfäre waqıtında xezmättäşe Frank Walter Steinmeier belän bergä Germaniya kanślerı Angela Merkel belän dä oçraşaçaq. İlbaşı Ärdoğan ictimaği oyışma wäkilläre häm Germaniyanın zur şirkätlärneñ citäkçeläre belän dä küreşep söyläşäçäk.

“Watan” gazetı: “Niderlandnıñ Änkara ilçese Törkiyägä kilde”

Törkiyä belän Niderland arasında mönäsäbätlärneñ cayğa salınuı barışına kergännän soñ Niderlandnıñ Änkara tulı wäqalätle ilçese bularaq bilgelängän Marjanne de Kwaasteniet Törkiyä-Niderland mönäsäbätlärendä uñay rol’ uynawın ömet itüen äytte. Niderland xökümäte tarafınnan Änkara ilçese itep wazıyfalandırılğan Kwaasteniet kiçä kiçen başqala Änkarağa kilde. Kwaasteniet: “Törkiyä-Niderland mönäsäbätlärendä uñay rol’ uynawnı ömet itäm”, - dip äytte.

“Xörriyät” gazetı: “Törkiyä - Rusiyä turistlarınıñ iñ küp aqça sarıf itkän ikençe il”

Rusiyäneñ iñ zur bankı “Sberbank”nıñ kliyentları cäy fasılında İtaliyadan soñ iñ küp Törkiyädä aqça tuzdırğan. “Sberbank”tan yasalğan belderüdä bank kliyentlarınıñ uzğan cäydä çit ildä 141 milliard 200 million rubl (yaqınça 2 milliard 16 million dollar) sarıf itüe äytelde. Türkiye’nin ardından en çok para harcanan ülkelerin İspanya, Fransa, Yunanistan ve Almanya olduğu belirtilen açıklamada, kişi başı en çok harcamanın Monako’da yapıldığı aktarıldı.  

“Xäbär Türk” gazetı: “Êksportnıñ yartısınnan kübräge sänäğät’ tarmağında”

Törkiyäneñ uzğan yılğı êksportınıñ 43,8%, importınıñ isä 61,1% zur külämle êşxanälär tarafınnan başqarıldı. Törkiyä statistika oyışması 2017nçe yılnıñ "Käsepçelek üzençäleklärenä qarap tışqı säwdä statistikası”n açıqladı. Monıñ nigezendä êşlärneñ töp êşçänlegenä qarap êksportnıñ 56,6%, importnıñ isä 52,1% sänäğät’ tarmağında êşçänlek alıp baruçı şirkätlär başqarğan.