Törek matbuğatına küzӓtü 14.09.2018

“Yӓni Şafak” gazetı “Törkiyӓ-Qazaqstan arasında 2 milliard dolalrlık kileşü” isemle xӓbӓrendӓ Törkiyä ilbaşı Räcäp Tayyip Ärdoğan belӓn Qazaqstan dӓwlӓt başlığı Nursoltan Nazarbayevnıñ Ӓnkarada matbuğat oçraşuı oyıştıruın yaza.

Xӓbӓrgӓ kürӓ Ӓrdoğan Törkiyӓneñ hӓrwaqıt Qazaqstan yanında bulacağın assızıqladı. Nazarbayev isӓ sӓfӓre qısalarında 2 milliard dollarlık proyektlarğa imza quyuların ӓytep: “Min bu xezmӓttӓşlektӓn qanӓğat’. İke il arasındağı mönӓsӓbӓtlӓrne kiñӓytü - berençe maqsatıbız. Bu xezmӓttӓşlegebezne tağın da üsterergӓ ӓzer bez,” – dide.

“Watan” gazetı Konya şӓhӓrendӓğe 3nçe reaktiv oçqıç bazasında 3 sentӓbr’ könne başlanğan TURAZ Börkete-2018 xӓrbi künegülӓreneñ dӓwam itüen citkerӓ.

Gazet yazuınça Azӓrbaycan Hawa köçlӓrenӓ bӓyle 2 MİG-29 hӓm 3 Su-25 höcüm oçqıçı belӓn Törek hawa köçlӓre rӓislege tarafınnan künegülӓrdӓ qatnaşqan F-16 xӓrbi oçqıçları belem oçışı planına tayanıp, bilgele biyeklektӓ bergӓ oçtı. Künegülӓr bügen tögӓllӓnӓ.

“Star” gazetı “İstanbulda Aviaśiya, ğalӓm sӓnӓgӓte yӓrminkӓseneñ açılışında çığış yasağan keşesez hawa apparatların citeştergӓn Baykar şirkӓte ğomüm mödire Haluk Bayraktarnıñ tübӓndӓge süzlӓren uquçıları belӓn urtaqlaşa: “Amerikannar monnan 10 yıl êlek aqçasın tülӓp, talӓp itkӓn qorallı keşesez hawa apparatların Törkiyӓgӓ birmilӓr ide. Xӓzer isӓ ilebezdӓ atnada 1 qorallı keşesez hawa apparatı yasala. Alardan yaxşırak dӓrӓcӓdӓ bulğan apparatlarıbız ilebezgӓ xezmӓt kürsӓtӓ.”

“Xörriyӓt” gazetı Törkiyӓneñ hӓm Awrupanıñ diñgez östendӓ tözelgӓn berençe, dönyanın ikençe aêroportı bulğan Ordu-Giresun hawa mӓydanındağı yulçı sanınıñ 2 million 800 meñnӓn artuın citkerӓ.

Gazet yazuınça 2015 yılnıñ 22 may könne açılğan aêroportta 3 yılda 21 meñ 549 sӓfӓrendӓ 2 million 825 meñ 569 yulçı bar ide. Yaña yılğa qadӓr bu sannıñ 3 millionğa citüe kötelӓ.