• Video galereyası

TÖREK MATBUĞATINA KÜZÄTÜ 12.09.2018

12nçe sentyabr’ könne çıqqan qayber törek gazetalarına küzätü

TÖREK MATBUĞATINA KÜZÄTÜ 12.09.2018

“Xäbärtürk” gazetı “Çavuşoğlunıñ İdlib turındağı belderüe: täq’dimebez açıq” dip yaza

Buxarestta uzğan Törkiyä-Rumıniyä-Pol’şa tışqı êşlär ministrları cıyılışınnan soñ jurnalistlar belän oçraşuda Mäwlet Çavuşoğlu çığış yasap, Süriyä mäs’äläsenä iğ’tibarnı yünältte. Ul İdlibtäge wäzğıyät’neñ härkemne qızıqsındıruın häm bu mäs’älädä ber ük fikerdä bulğan illär belän êşläwlären äytte. Ul höcümnärne rejim ğına tügel, Rusiyäneñ dä däwam itüen assızıqladı. “Täq’dimebez açıq. Höcümnär tuqtasın. Terrorçı törkemnärneñ barlığın beterü öçen bergä êşlik,”-dide.  

“Yaña Şäfaq” gazetında “Tışqı êşlärneñ AQŞqa reakśiyäse” digän yazma bar

Törkiyä tışqı êşlär ministrlığı süzçese Hami Aksoy: “Vaşingtonda Fälästin azatlıq oyışması wäkillegeneñ yabılu qararı AQŞnıñ Yaqın Könçığış solıx prośessında tarafsızlığı betüen kürsätä,”-dide. Ul Törkiyäneñ Fälästin xalqınıñ yağında bulacağın assızıqladı.  

“Watan” gazetı “Süriyä çigendä zur Törkiyä bayrağı” di

Süriyä çigendäge Şanlıurfanıñ Cäylanpınar rayonındağı ber qalqulıqqa 150 kvadrat metrlıq Törkiyä bayrağı qadadılar. Bu uñaydan cirlektä tantana ütte. Anda Cäylanpınar xakimiyäte başlığı Mändäräs Atilla, AK partiyä töbäk räise Xalid Şimşäk, deputatlar häm küpsanlı xalıq qatnaştı.   

“Sabax” gazetında “Täwge qabızu uñışlı başqardı. Tarixta qalaçaq” digän yazma dön’ya kürde.

Törkiyäneñ täwge bäysez räweştä çığarılğan T625 boralağı bu tarmaqta ireşelgän noqtanı kürsätte. Motor yasaw proyektında bu sistemanıñ yöräge bulğan êçke dvigatel’neñ berençel prototibın tözü tögällände häm täwge qabızu tormışqa aşırıldı.   



Bäyläneşle xäbärlär