Törek matbuğatına küzätü 10.09.2018

10nçı sentyabr’ könne basılıp çıqqan qayber törek gazetlarına küzätü

Törek matbuğatına küzätü 10.09.2018

“Xörriyät” gazetı: "Aqdamar çirkäwendä 3 yıl aradan soñ dini cıyın"

Vannıñ Gävaş ilçäsendä urnaşqan häm utraw belän ber ük isem yörtüçe tarixi Aqdamar çirkäwendä 3 yıl inde ütkärelä alınmağan dini cıyın bıyıl uzdırıldı. Mädäniyät häm turizm ministrı Mäxmät Nuri Ärsoy da qarağan dini cıyınnı Törkiyä ärmännäre patriarxı ğomum wäkile baş yepiskop Aram Ateşyan häm yanındağı yepiskop Sahak Maşalyan, Patriarx ğomum wäkil urınbasarı Rahip Mağakya Beskisizyan alıp bardı. Dini cıyında Törkiyädän häm çit ildän yözlärçä keşe qatnaştı.

“Sabah” gazetı: "Äminä Ärdoğanğa humanitar xezmät büläge"

İlbaşı Räcäp Tayyip Ärdoğannıñ xäläl cefete Äminä Ärdoğan Myanmada yäşängän keşelek facıyğası belän ber rättän xalıqara cämäğat’çelekneñ iğ’tibarın yünältkän tırışuları häm cäberlängännär belän yärdämgä moxtac buluçılarğa qarata xäyriyä êşçänlege öçen "Global’ donorlar forumı”nıñ "Humanitar xezmät täq’dir büläge”nä layıq buldı. Äminä Ärdoğanğa büläge Londonda 11nçe sentyabr’dä oyıştırılaçaq tantanada tapşırılaçaq.

“Xäbärtürk” gazetı: "Antaliyağa hawa yulı belän 9 million 600 meñ çit il keşese kilde"

Antaliya vilayät mädäniyät häm turizm mödirlege Antaliyağa hawa yulı belän kilgän çit il keşeläreneñ sanın açıqladı. Turizmda bıyıl böten waqıtlarnıñ rekordın quyarğa äzerlängän Antaliyağa kilgän turist sanı 9 million 666 meñ 859ğa citkän.
 

“Watan” gazetı: "Qıtaylar Törkiyägä kipterelgän yözem öçen kilde"

Qıtaylarnıñ Amerika Quşma Ştatlarınnan importlağan kipterelgän yözemne Törkiyädän satıp alu qararınnan soñ Qıtaydan kilgän wäkillek Törkiyäneñ iñ zur kipterelgän yözem êksportçılarınnan berse bulğan “Tariş” integraśiyäw qorılmaların qaradı. Qorılmalarnı oşatuların belderüçe Qıtay wäkillege törek räsmilärenä iğ’tibarları öçen räxmätlären citkerde.
 
“Star” gazetı: "Tarixi törbä küçerelä"

Batmannıñ tarixi Hasankäyf ilçäsendä salınuçı Ilısu böyäse arqasında su astında qalaçaq äsärlärneñ qotqarıluı êşçänlege qısalarında 800 tonna awırlığındağı İmam Abdullah törbäse bügen yaña urınğa küçerelä.



Bäyläneşle xäbärlär