TÖREK MATBUĞATINA KÜZÄTÜ 5.09.2018

5nçe sentyabr’ könne çıqqan qayber törek gazetlarına küzätü

TÖREK MATBUĞATINA KÜZÄTÜ 5.09.2018

“Xörriyät” gazetası “Küpläp üterü bulaçaq” dip yaza.

Qırğızstan säfärennän qaytışlıy Räcäp Tayyip Ärdoğan oçqıçta jurnalistlarnıñ sorawlarına cawap birde. Ul Süriyäneñ İdlib töbägenä xäräkät mäs’äläsendä borçuları belän urtaqlaştı. Törkiyä ilbaşı anda raketalar yawdırsalar, monıñ küpläp keşe üterügä kiteräçägenä ışana. Monnan tış, ul 3 million yarım keşe yäşäwçe töbäktä bu tör faciğa bula qalsa, küplärneñ qabat Törkiyägä qaçaçağın farazlıy.   

“Star” gazetı yazğança, “2 Greśiyä xärbiye Törkiyä tarafına qanunsız bularaq kiçülären belderde”

Greśiyä matbuğatında çıqqan xäbärlärgä qarağanda, Ädirnädä 5 ay yarım saq astında qalğan  2 grek xärbiye bazalarında soraw aluğa duçar buldı. İkese dä Törkiyä tarafına qanunsız kiçülären qabul itte.

“Sabax” gazetı “ASELSAN Kiprda baza tözi” dip xäbär itä

Törkiyä saqlanu sänäğateneñ lider oyışması ASELSAN Tön’yaq Kipr törek cömhüriyätendä AR-GE häm test üzäge töziyäçäk. ASELSAN 1974nçe yılda Kipr tınıçlıq xäräkäte waqıtında Törkiyägä qarşı kertelgän êmbargo näticäsendä qorıldı. Anıñ maqsatı - cirle qoral sänäğaten üsterü ide. Şulay itep, oyışma Kiprğa bulğan burıçın ütiyäçäk.   

“Watan” gazetı “Turist ağımı! Monda cännät” digän yazma belän urtaqlaşa

Dänizlineñ aq cännäte dip yörtelüçe Pamukkalädä miladtan soñ 60nçı yılda cir teträw näticäsendä barlıqqa kilgän Kleopatra basseynı turistlarnıñ iñ yaratqan urınına äwerelde. Misır patşabikäse anda üze qoyınğan digän rivayät’lär bar. Turistlar basseyn êçendäge tarixi äsärlär arasında yözep yöri. Alar cılı häm şifalı suda waqıtların käyefle ütkärä.



Bäyläneşle xäbärlär