Törek matbuğatına küzätü 03.09.2018

3 nçe sentyabr' könne basılıp çıqqan qayber törek gazetlarına küzätü

Törek matbuğatına küzätü 03.09.2018

 “Vatan” gazetı “Katarlı 5 xolding Törkiyädä kapital sala başladı” isemle xäbärendä Katar däwläteneñ 15 milliard dollar külämendäge adımınnan soñ ilneñ şaxsi tarmağınıñ da Törkiyägä yünälüe turında yaza.

Gazet yazuınça, ilneñ 5 möhim xoldingı berençe êtapta 300 million dollar öçen êşkä kereşte.

 “Katar xolding”, “Essa”, “Nora Raşit Al Doosori”, “Al Sumeiti” häm “Raşit äl Kubeysi” neñ investiśiyälären citäklägän “Royal Link” şirkäte ğomum mödire Äxmät Xösäyen Äxmät Xäsän Katarda investorlarnıñ mäs’äläläre belän şöğıl’länüçe ofis buldırılğan oçraqta şäxsi tarmaqtan Törkiyägä kiläçäk investiśiyälärneñ 50 milliard dollarğa citä alaçağın belderde.

”Yäni Şafak” gazetı” Birjadağı avtomobil’ şirkätläreneñ tabışı 25%qa arttı” isemle xäbärendä İstanbul birjasında avtomobil’ tarmağında êşçänlek başqaruçı 8 şirkätneñ berençe yartıyıllıqtağı tuplam çista tabışınıñ uzğan yılnıñ şul uq çorı belän çağıştırğanda 25%qa artıp 1 milliard 748 million 700 meñ törek lirasına citüen xäbär itä.

”Star” gazetı ”Milli boralaqnıñ oçış köne bilgele buldı” isemle yazmasında Törkiyäneñ berençe boralağı T-625 ne sınap qarawlarnıñ başlanuın citkerä.

 Proyektı häm êşläp çığaruı cirle bulğan boralaqnıñ täwge oçış köne 6 nçı sentyabr’dä. T-625 boralağı awır klimat şartlarında köndez häm tönlä wazıyfa başqara alaçaq.Anı yök taşu, êzläw-qotqaru , aşığç yärdäm maqsatlarında qullanu planlaştırıla.

”Sabah” gazetı ”Dönyanıñ iñ yaxşı 7 yöreş yulınnan berse Törkiyädä” isemle xäbärendä Muğlanıñ Fäthiyä ilçäsennän Antaliyağa qadär suzılğan 540 çaqrım ozınlığında bulğan Likya yulınıñ dönyanıñ iñ ozın distanśiyäle 7 yöreş yulınnan berse buluın uquçıları belän urtaqlaşa.

Üle diñgez manzarası belän başlanğan tarixi yul tabiği maturlıqlar belän ürelep barıp däwam itä.

 “Xäbär Törek” gazetı ”Antaliya turizmında avgust rekordı” isemle xäbärendä Antaliyada avgust ayında turizm tarmağında rekor quyıluın belderä.

Xäbärdän kürengänçä,uzğan ay ,yäğ’ni avgust ayında şähärgä 2 million 150 meñ 448 turist kilde. Ağımdağı yılnıñ 1 nçe ğıynwar-31 nçe avgust könnärendä şähärgä kilgän turist sanı 9 million 62 meñ täşkil itte. Antaliyağa 2018 nçe yılda tuplam 14 million turist kilüe kötelä.

 

 



Bäyläneşle xäbärlär