Törek matbuğatına küzätü 14.08.2018

14 nçe avgust könne basılıp çıqqan qayber törek gazetlarına küzätü

Törek matbuğatına küzätü 14.08.2018

 “Star” gazetınıñ “Ärdoğan Törkiyä iq’tisadınıñ blokadada buluın citkerde” isemle yazmasında belderelgänçä, ilbaşı Räcäp Tayyip Ärdoğan AQŞ ilbaşı Donal’d Trampnıñ sankśiya qararları qabul itep başbaştaq qılanuın assızıqladı. Törkiyä liderı İlbaşı kölliyäsendä 10nçı tulı wäqalätle ilçelär konferenśiyäsendä qatnaşuçılarnı töşke aşqa qabul itte. Ärdoğan anda çığış yasap, Törkiyäneñ soñğı yıllarda qazanğan xalıqara ciñüläre säbäple höcümnärgä duçar buluın belderde. Anıñ äytüençä, xäzerge waqıtta ilnen küp tarmaqları qamalış êçendä.

”Xäbär Törek” gazetı “Qalın Törkiyä iq’tisadınıñ nigeze nıq buluın belderde” isemle xäbärendä ilbaşı idaräse süzçese İbrahim Qalınnıñ sośial’ media aşa iq’tisadi täräqqiyät’lär xaqında belderülär yasawın citkerä.

Qalınnıñ belderüendä tübändäge yullar urın ala:”Qazna häm finans ministrlığı, Üzäk bank, banklarnı tikşerü oyışması,kapital salu bazarı şurası häm başqa oyışmalar finans totrıqlılığı öçen kiräkle adımnar yasıy. Törkiyä iq’tisadınıñ nigeze nıq. Beräw dä spekulyaśiya xäbärlärenä iğ’tibar itmäsen. İlebez bu barışnı bireşmiçä uzdırıp cibäräçäk häm tağın da nığıyaçaq”.

”Sabah” gazetı ”Tışqı êşlär ministrınnan Törkiyägä kapital salırğa çaqıruı” isemle xäbärendä Törkiyä tışqı êşlär ministrı Mävlüt Çavuşoğlunıñ 10nçı tulı wäqalätle ilçelär konfereniyäsendä yasağan çığışında “Bügenge köndä Törkiyägä tuplam 74 ildän xalıqara investiśiyälär kertelä. Tağın da kübräk kapital saluğa ireşü öçen bergä êşläwne däwam itteräçäkbez. Böten dönyanı ilebezgä kapital salırğa çaqıram” dip äytüen uquçıları belän urtaqlaşa.

”Yäni Şafak” gazetı ”Albayrak Germaniyanıñ belderüennän qanäğät’ qaluların belderde” isemle xäbärendä Törkiyä qazna häm finans ministrı Bärat Albayraqnıñ “AQŞnıñ Törkiyägä qarata soñğı ğamälläre belän bäyle Germaniya iq’tisad ministrınıñ süzlärennän qanäğät’ qaldım” dip äytüen citkerä. Albayrak “Yaxşı niyät häm diplomatiyäne yaqlawçı säyäsätçelär  Germaniya häm Awrupa Berlege belän mönäsäbätlärebezgä törek xalqınıñ ışanıçın arttıraçaq”dide. Germaniya xökümäte  “Törkiyä iq’tisadınıñ totrıqlı buluı beznen dä faydabızğa ,täräqqiyät’lärne yaqınnan küzätep barabız”dip belderü yasağan ide.

”Xörriyät” gazetı “Ğıyraq turistları kübräk Törkiyäne saylıy” isemle xäbärendä Törkiyäneñ tarixi häm tabiği maturlıqları belän könnän kön Ğıyraq turistlarınıñ tağın da kübräk iğ’tibarın cälep itüe turında yaza.

Gazet beldergänçä, Törkiyädä yal itüçe ğıyraqlı turist sanı könnän kön arta bara.

 



Bäyläneşle xäbärlär