Törek matbuğatına küzätü 30.07.2018

“Watan” gazetı: "Ärdoğan: “Totış üzgäreşe Trampnıñ probleması””

İlbaşı Räcäp Tayyip Ärdoğan Kön’yaq Afrika säfäre waqıtında törek jurnalistlarına Amerika Quşma Ştatları monaxı Êndryu Branson xaqında söyläde. Branson belän bäyle bularaq Aq Yorttan häm AQŞ saqlanu ministrlığı Pentagonnan yasalğan belderülären häm Amerika Quşma Ştatları İlbaşı Donal’d Trampnıñ totıştağı üzgäreşlären bäyäläwçe Ärdoğan, monıñ (totış üzgäreşeneñ) üzeneñ tügel, Trampnıñ probleması buluın belderep, äytelmägän äyberlärneñ äytelgän kebek kürsätelüen döres dip tapmawlarına basım yasadı.

“Sabah” gazetı: “Ärdoğan Tämimi belän söyläşte”

İlbaşı Räcäp Tayyip Ärdoğan İzrailneñ irekkä cibärgän Ahid Ät-Tämimigä şaltırattı. Ärdoğan “Hanzala batırlıq” büläge iyäse "Fälästinle batır qız" Ahid Ät-Tämimine batırlığı häm köräş ğayräte uñayınnan täbrik itte. Ärdoğan Ät-Tämimineñ azat itelüeneñ söyeneçle waqıyğa buluına basım yasadı.

“Star” gazetı: "Kievtan Kaysärigä turıdan-turı oçqıç säfärläre başqarılaçaq"

Tarixi Yefäk yulınıñ yul çatında urnaşqan Kaysärigä' turizm xezmättäşlege qısalarında Ukraina başqalası Kievtan turıdan-turı oçqıç säfärläre başlatılaçaq.

“Yäni Şafak” gazetı: "Pamukkalädäge “cähännäm qapqası” ziyärätkä açıla”

BMOnıñ YUNESKO mäğarif, belem häm mädäniyät oyışmasınıñ Dön’ya mirası isemlegendä bulğan Hierapolis borınğı qalasında 5 yıl êlek arxeologik qazılmalarda tabılğan Plütonyumnıñ (cähännäm qapqasınıñ) restovraśiyäse tämamlanğannan soñ sentyabr’ ayında kürsätelä başlanaçağı planlaştırıla.

“Star” gazetı: "Germaniyada “Min Özilmen” cıyını”

Germaniya başqalası Berlinda yözlärçä keşe qatnaşuında rasaçı häm diskriminaśiyäçel höcümnär arqasında Germaniya cıyılma komandasınnan ayırılğan çığışı belän törek bulğan futbolçı Mäsut Özilgä yaqlaw uram cıyını oyıştırıldı.