Törek matbuğatına küzätü 27.07.2018
27 nçe iyül' könne basılıp çıqqan qayber törek gazetlarına küzätü
“Sabah” gazetı “Bu yärdämläşü,tayanışu beräwlärne könläşterä” isemle xäbärendä Törkiyä ilbaşı Räcäp Tayyip Ärdoğannıñ Könyaq Afrika säfärendä Rusiya Federaśiyäse däwlät başlığı Vladimir Putin belän küreşüe turında yaza. Gazet yazuınça, Ärdoğan oçraşudan êlek yasağan belderüendä “Rusiya belän üzara yärdämläşü, tayanışu qayberäwlärne çınnan da könläşterä”dide.
“Sabah” gazetı ”Törkiyädän AQŞqa Branson cawabı” isemle yazmasında Amerika Quşma Ştatları ilbaşı Donal’d Trampnıñ FETÖ belän mönäsäbätlärdä şöbhälänep qulğa alınğan ruxani Êndryu Branson turındağı belderüenä “Beräw dä Törkiyägä närsa êşläwe kiräklegen äytep tormasın. Xoquq qağıydälären härkem ütärga tiyeş”dip äytüen citkerä.
”Star” gazetı ”Törkiyä êş belän täêmin itü säyäsätlärendä yaña çorğa küçä” isemle xäbärendä yaña xökümät sisteması belän bergä êş tormışında yaña däwer başlanaçağın ,êş köçe bazarı,êş belän täêmin itü säyäsätlärendä yaña çorğa küçeläçägen xäbär itä.
”Vatan” gazetı” Albayraktan kredit paketı xäbäre” isemle yazmasında qazna häm finans ministrı Bärat Albayraknıñ Qıtay finans oyışmalarınnan ênergetika häm transport tarmağı investiśiyäläre öçen şäxsi tarmaq,däwlät oyışmaları häm banklarğa bireläçäk 3 milliard 600 milion dollar külämendäge kredit paketınıñ tämamlanuı turında äytüen citkerä.
”Vatan” gazetı ”Sänäğät’tä digital’ üzgäreş platforması ğamälgä kerä” iemle xäbärendä sänäğät’ häm texnologiya ministrı Mostafa Varannıñ kapital salu häm citeşterü şartların tağın da yaxşırtaçaq reformalrnı qısqa waqıtta tormışqa aşırunı planlaştıruların belderüe turındağı süzlären uquçıları belän urtaqlaşa.
