Törek matbuğatına küzätü 12.07.2018

12nçe iyül’ könne basılıp çıqqan qayber törek gazetlarına küzätü

Törek matbuğatına küzätü 12.07.2018

“Star” gazetı: “NATO’da yaña Törkiyä sammitı”

İlbaşı Räcäp Tayyip Ärdoğan kritik NATO sammitı öçen kitkän Bel’giya başqalası Bryussel’dä iğ’tibar üzägendä buldı. Tarixi cıyılışnıñ yomğaq beldergesendä isä Törkiyä belän terrorçılıqqa qarşı köräş ölkäsendä xalıqara teläktäşlekkä basım yasaldı.

“Yäni Şafak” gazetı: “NATO sammitınnan anıq yullama: Soraştırılmasın”

Tışqı êşlär ministrı Mäwlüt Çavuşoğlu NATO yuğarı däräcäle oçraşuda qatnaşu öçen kitkän Bryussel’dä Könbatış liderlarına anıq yullamalar citkerde. Törkiyäneñ Rusiyädän S-400 raketaların aluı belän bäyle bularaq “Törkiyä NATOdan citläşä” digän tänqıyt’lärne bäyäläwçe Çavuşoğlu: “Törkiyä NATOdan çitläşmi. Ägär NATO berlektäşlärebez bu ixtıyaclarıbıznı qanäğät’ländergän bulsa ide, bez alardan alır idek. Aldıbızdağı yıl axırına taba Rusiyädän berençe batareyalar kiläçäk. Näticädä inde monıñ soraştırıluına da kiräk yuq”, - dip äytte.

“Watan” gazetı: “Naśist kilengä ğomer buyı törmä”

Germaniyada 2000-2007nçe yıllar aralığında 8 törek belän ber greknı häm ber alman poliśiya xezmätkären ütergän “NSU” oyışmasınıñ isän qalğan berdänber äğ’zase Beate Zchape ğomer buyı törmägä xökem itelde. Törkiyä tışqı êşlär ministrlığı da “NSU”nı qullanğan töp isemnärneñ xätta xökem çığaru organnarına da kiterelmäwen belderde. Oyışma belän alman tirän däwläte arasındağı bäyläneş bilgelänmäde.

“Xörriyät” gazetı: “Zäytün mayı citeşterüe artuında iñ yuğarı noqta Törkiyäneñ”

Global’ zäytün mayı citeşterüe 2016nçı-2017nçe yıllar çorında kimegän bulsa, Törkiyä – citeşterüen miq’dar bazasında iñ küp arttırğan il buldı. Törkiyä, zäytün mayı citeşterüen 58 meñ tonnağa arttırıp, 208 meñ tonnağa citkerde. Törkiyä bu räweşle dönya zäytün mayı êşläp çığarıluında ikençe urınğa kütärelde.

“Sabah” gazetı: “Nick Cave İstanbulda konśert quydı”

Awstraliyalı rok muzıkantı, cır, kitap häm śenariy yazuçısı Nik Keyv 17 yıldan soñ yañadan İstanbulda xäyrannarı belän oçraştı. “The Bad Seeds” törkeme belän "25nçe İstanbul djaz festivale" qısalarında säxnägä çıqqan sänğät’çegä muzıka yaratuçılar zur iğ’tibar kürsätte.



Bäyläneşle xäbärlär