Törek matbuğatına küzätü 11.07.2018

11nçe iyül’ könne çıqqan qayber törek gazetalarına küzätü

Törek matbuğatına küzätü 11.07.2018

“Sabax” gazeti “Ärdoğannıñ täwge çit il säfäre Azärbaycanğa buldı” dip xäbär itä.  

İlbaşı Räcäp Tayyip Ärdoğan inauguraśiyädän soñ täwge räsmi säfären qardäş däwlät Azärbaycanğa yasadı. Küzgä-küz häm delegaśiyälär arası söyläşülärdän soñ, Ärdoğan häm Azärbaycan ilbaşı İlham Aliyev urtaq matbuğat kiñäşmäse ütkärde.

“Xörriyät” gazetı Ärdoğan süzläre belän “Kipr milli däğ’wabız” iseme astında yazma urnaştırğan.

İlbaşı Räcäp Tayyip Ärdoğan Azärbaycannan soñ Tön’yaq Kipr Törek Cömhüriyätenä kitte. Ärdoğan anda ilbaşı Mostafa Akıncı belän urtaq matbuğat cıyılışı ütkärde. Törkiyä liderı Kiprda ğadel häm däwamlı çişeleş tabunı maqsat itep quyuların belderde.  

“Star” gazetı “Törkiyä Êfiopiyä – Êritreya mönäsäbätläreneñ caylaşuınnan qanäğat’” dip yaza.

İke kürşe däwlät Êfiopiyä häm Êritreya arasında tınıçlıq söyläşüläre başlanu, urtaq deklaraśiya imzalanu Törkiyädä söyeneç belän qarşılandı.

Şulay uq, “Star” gazetı “ATAK boralaqları NATO sammitında kürsätü yasayaçaq” dip xäbär itä.

Bel’giyä başqalası Brüssel’dä 11nçe-12nçe iyül’dä ütüce NATO sammitı 20 xärbi boralaqnıñ kürsätmä oçışı belän başlana. Aralarında Törkiyäneñ ATAKı da bar.

“Watan” gazetı yazğança,  “Törkiyä hawa yullarınıñ tuplam yulçı sanı yıllıq isäpläwlärdä arttı”

Anıñ iyül’ ayında tuplam yulçı sanı yıllıq isäpläwlärdä 10,6 %qa artıp 6,3 millionğa citkän.  



Bäyläneşle xäbärlär