Törek matbuğatına küzätü 16.05.2018

16nçı may könne basılıp çıqqan qayber törek gazetlarına küzätü

Törek matbuğatına küzätü 16.05.2018

“Sabah” gazetı: "Ärdoğan: “Netanyahunıñ qulında fälästinlelärneñ qanı bar””

İlbaşı Räcäp Tayyip Ärdoğan räsmi “Twitter” xisabınnan yasağan belderüendä: "(İzrail baş ministrı Binyamin) Netanyahunıñ qulında fälästinlelärneñ qanı bar häm gäyeplären Törkiyägä höcüm itep yäşerä almas”, - dip äytte. Ärdoğan: "Netanyahu yaqlawçısız xalıqnıñ cirlären BMO qararların bozıp 60 yıldan artıq waqıt buyı yaw astında totqan aparteid (rasaçı) däwlätneñ baş ministrı”, - dip belderde.

“Xörriyät” gazetı: "Tınıçlıqqa sabotaj”

Baş ministr Binalı Yıldırım Änkarada yasağan belderüendä: “Amerika Quşma Ştatlarınıñ Tel’-Avivtağı ilçelegen Qudüs-Yerusalimgä küçerüen tınıçlıqqa qarşı sabotaj itep küräbez häm qabul itmibez. Bu qarar bezneñ öçen yuq xökemendä. Amerikan ilçelegeneñ açılışı möselman qanı qoyılğan kön bularaq tarixqa uzdı. Çamasız köç qullanıp terror başqarğan İzrailneñ linç häm qırıslıq säyäsäten läğ’nät belän gäyeplibez, läğ’nätlibez”, - dip äytte.

“Star” gazetı: “Tunis êlekke ilbaşı: “Ğaräplär Qudüs mäs’äläsendä Törkiyäne ürnäk alsın””

Tunis êlekke İlbaşı häm Demokratik inqilaplarnı saqlaw ğaräp şurası başlığı Munsif Marzuki İstanbulda İlbaşı Räcäp Tayyip Ärdoğanğa häm törek xalqına torışı häm üzlären yaqlawları uñayınnan räxmätlären citkerep: “Ğaräp xökümätlärenä kim digändä torışların belderergä kiñäş itäm, bu mäs’älädä Törkiyäne ürnäk itep ala alalar”, - dip äytte.

“Watan” gazetı: "Törkiyägä kilälär!”

Rusiyäneñ “Rosturizm” federal’ turizm agentlığı Êşçe bäyräme häm Ciñü bäyräme mönäsäbäte belän may başında qotlanğan yal çorında Rusiyä watandaşlarınıñ yal öçen qabat Törkiyäne saylap aluların belderde. Agentlıqtan yasalğan belderüdä Rusiyä watandaşlarınıñ yal itü urınnarı arasında 52,3%lıq öleş belän Törkiyäneñ lider wazğıyätendä buluına basım yasaldı.

“Xäbär Türk” gazetı: "Dön’ya turına çıqqan däw qorab Kuşadasında”

Dön’ya turına çıqqan Mal’ta bayraqlı “Azamara Journey” köymäse 850 yulcısı belän Aydınnıñ Kuşadası ilçäsendäge Ägäy portına kilep tuqtatı. Yulçılarnıñ ber öleşe tur avtobusları belän Äfäs borınğı qalasına häm Mär’yäm Ana öyenä barğan bulsa, şähär üzägen güzüçelär säwdä üzäklärendä alış-bireş yasawnı saylap aldı.



Bäyläneşle xäbärlär