• Video galereyası

Törek matbuğatına küzätü 16.04.2018

16nçı aprel’ könne basılıp çıqqan qayber törek gazetlarına küzätü

Törek matbuğatına küzätü 16.04.2018

İlbaşı Räcäp Tayyip Ärdoğan “Fätullahçı” (FETÖ/PDY) terror oyışması/parallel däwlät qorılışı belän köräştä qatğilıq yullamasın yasadı. Ärdoğan partiyasınıñ Maltäpä 6nçı çirattağı ilçä kongressı aldınnan yasağan çığışında: "Xäzergä çaqlı 80 danäsen çit ildän alıp kiterdek. Pensilvaniyadağı (FETÖ atamanı), sin dä kiläçäkseñ. Telägän qadär uñğa sulğa tıytaqla”, - dip äytte.

“Sabah” gazetı: "Yıldırım: “Bik soñğa qaldılar””

Premyer-ministr Binali Yıldırım “Aq” partiyanıñ Tuzla ilçä kongressında çığış yasadı. Yıldırım Amerika Quşma Ştatlarınıñ äydäp baruçanlığında Süriyädä rejimğa qarşı oyıştırılğan hawa xäräkäte xaqında: “Könbatış kinät kenä Süriyäle gäyepsezlärne xäterläp aldı. Qatillärgä birelgän soñarğan ber cawap”, - dip äytte.

“Xörriyät” gazetı: "Yastıq astınnan 335 kilo altın çıqtı!”

Prem'yer-ministrnıñ iq’tisadtan cawaplı urınbasarı Mäxmät Şimşäk: “Altın obligaśiyäsenä watandaşıbız ışandı häm qızıqsınu kürsätte. İkençe soraw-taläp cıyu däwerendä 7 meñ 100 keşe, ber meñ 335 kilogramm altınnı yastıq astınnan çığarıp, altın obligaśiyäsenä häm altınğa nigezlängän arenda sertifikatına saldı,” – dp äytte.

“Watan” gazetı: "Stoltenbergtan berlektäşlärgä Törkiyägä tağın da kübräk yaqlaw çaqıruı”

NATO Ğomum särkätibe Yans Stoltenberg “Anadolu” agentlığına yasağan belderüendä Törkiyäneñ NATO öçen qimmätle häm strategik ähämiyätkä iyä berlektäş buluın äytte. Stoltenberg, NATOnıñ yaqlaw öçen Törkiyädä citdi barlığı buluına iğ’tibarnı yünältep: “Böten berlektäşlärne Törkiyägä tağın da kübräk yaqlaw täêmin itärgä çaqıram”, - dip äytte.

“Xäbär Türk” gazetı: "13 meñ turist Marmariska kilde”

Muğlanıñ Marmaris ilçäse 2018 turizm sezonına tiz başladı. Şuşı könnärdä 13 meñ turist yal itüçe ilçäneñ plajları häm uramnarı xäräkätlände. Hawa cılılığı 29 gradusqa citkän ilçädä cirle häm çit il turistları diñgezkä kerep käyef aludan da baş tartmadı.



Bäyläneşle xäbärlär