• Video galereyası

Törek matbuğatına küzätü 14.03.2018

14nçe mart könne basılıp çıqqan qayber törek gazetlarına küzätü

Törek matbuğatına küzätü 14.03.2018

“Xäbär Türk” gazetı: "Törkiyä belän AQŞ Münbiç mäs’äläsendä kileşte”

İke yaqlı oçraşular öçen Mäskäwgä kitkän Tışqı êşlär ministrı Mäwlüt Çavuşoğlu Amerika Quşma Ştatları belän 19nçı martta ütkäreläçäk söyläşü belän Mänbiçtäge torışnıñ anıq bilgele bulaçağın belderde. Tışqı êşlär ministrı Çavuşoğlu: ““PKK” separatist terror oyışmasınıñ Süriyä törkeme “YPG” Mänbiçtän çigengännän soñ Amerika Quşma Ştatları häm Törkiyä xärbiläre iminlekne täêmin itäçäk”, - dip äytte.

 

“Sabah” gazetı: "Törkiyä Fälästin premyer-ministrına qarşı höcümne kisken räweştä gäyepläde”

Törkiyä Fälästin prem'yer-ministrı Rami äl-Hamdallahnıñ konvoyına Ğazzädä yasalğan qorallı höcümne kisken räweştä gäyepläde. Tışqı êşlär ministrlığınnan yasalğan yazma belderüdä Fälästin Prem'yer-ministrı Hamdallahnıñ konvoyına kiçä Ğazzädä oyıştırılğan qorallı höcümneñ kisken räweştä gäyeplänüe assızıqlanıp: "Höcümdä yaralanuçılarğa aşığış şifa telibez, waqiğanıñ cawaplılarınıñ tiz arada bilgelänelüen kötäbez. Fälästinle qardäşlärebezneñ şuşı provokativ ğämälgä (ğamälgä) qarşı berlek häm berdämlek êçendä xäräkät itüen telibez”, - dip äytelde.

 

“Xörriyät” gazetı: "OECDdän Törkiyägä yaxşı xäbär”

OECD İqtisadi xezmättäşlek häm qalqınu (üseş) oyışmasınıñ “Ara çor iqtisadi küreneş xisabı”n bastırdı. Monnan aldağı xisapqa kürä, Törkiyäneñ üseş isäpläwen 2017nçe yıl öçen 6,1%tan 6,9%qa, 2018nçe yıl öçen 4,9%tan 5,3%qa, 2019nçı yıl öçen dä 4,7%tan 5,1%qa kütärde.

 

“Watan” gazetı: "90% arttı! Niderlandtan Törkiyägä”

Niderlandtan bıyıl Törkiyägä yal itärgä teläwçelärneñ sanında artış buluı belderelde. Niderland mediasınıñ Niderland säyäxät berlege (ANVR) häm törle säyäxät agentlıqlarınıñ açıqlawlarına tayandırğan xäbärlärenä kürä, bıyıl Törkiyädä yal itärgä teläwçe kliyentlarnıñ (klientlarnıñ) sanında artış yäşänä. ANVR matbuğat süzçese Törkiyädä yal itärgä teläwçelärneñ 2017nçe yılnıñ ğinwar ayına qarağanda bıyıl 90%qa artuın belderde.

 

“Star” gazetı: "Milli keşesez diñgez transportınıñ citeşterelüe öçen êşçänlek başladı”

“Märsin Texnopark”ta êşläwçe “OES” diñgezçelek firması keşesez diñgez transportının êşläp çığarıluı öçen êşçänlegenä başladı. Tulısınça cirle êşlänmälärdän êşläp çığarılaçaq keşesez diñgez transportınıñ 1 yıldan qısqa waqıtta beterelüe maqsat itelä.



Bäyläneşle xäbärlär