Törek matbuğatına küzätü 13.03.2018

13nçe mart könne basılıp çıqqan qayber törek gazetlarına küzätü

Törek matbuğatına küzätü 13.03.2018

“Watan” gazetı: “Germaniyada yaña tözelgän xökümättän qaynar yullamalar”

Germaniya yaña tözelgän xökümät Törkiyägä qaynar yullamalar yasadı. Germaniyada “Xristian demokrat berlek” partiyası (CDU), “Xristian sośial’ berlek” partiyası (CSU) häm “Sośial’ demokrat” partiyası (SPD) yaña koaliśiya xökümäten tözede. Germaniya Kanślerı Angela Merkel biredä yasağan belderüendä Törkiyä belän Awrupa Berlege bularaq söyläşülär yulın êzläwläreneñ zarurlığın äytte. Merkel: “Törkiyä belän qaraş ayırmalılıqların taw artında cıya almıybız. Êlemtä kanalları härwaqıt açıq bulırğa tiyeş. Çönki ber-berebezgä bäyle bez. Törkiyä Süriyädäge suğıştan qaçqan sıyınuçılar belän bäyle bik zur êşlär başqardı. 3 million sıyınuçını qabul itte. Bez dä Törkiyä belän bulğan kileşüebezne ütärgä telibez”, - dip belderde.

 

“Star” gazetı: "Törek saqlanu sänäğäte Qatarda üzen täq’dir itte”

Doha xalıqara diñgez saqlanu yärminkäse häm konferenśiyası (DIMDEX 2018) Qatar başqalası Dohadağı Qatar milli kongress üzägendä başladı. Yärminkä açılışında Milli saqlanu ministrı Nurettin Canikli, Ğomum ştab başlığı armiya generalı Hulusi Akar, Saqlanu sänäğäte kiñäşçese (SSM) İsmail Dämir qatnaştı. Törkiyä SSM koordinatorlığında, Saqlanu häm aviaśiya sänäğäte êksportçıları berlege häm 33 firma belän yärminkädä qatnaşa. Şuşı firmalar stendları urnaşqan mäydannıñ zurlığı 2 meñ 413 kvadrat metrğa citä.

 

“Xäbär Türk” gazetı: “Yünäleş Törkiyägä yünälde”

Kruizlarnıñ zur firmaları yünäleşlären Törkiyägä yünältte. İstanbul häm Märmär, Ägäy, Urta diñgez, Qara diñgez töbäkläre (İMEAK) diñgez säwdä palatası (DTO) İzmir filialınnan yasalğan belderügä kürä, 5-8 martta Amerika Quşma Ştatları Fort Lauderdale-Floridadağı Seatrade Cruise Global’ yärminkäsendä kruiz tarmağınıñ zur şirkätläre belän näticäle söyläşülär uzdırıldı. Belderügä kürä, dönya kruiz däwe “MSC” 2019nçı yıl sezonınnan başlap marşrutın İzmir häm Antaliyağa yünältäçäk.

 

“Yäni Şafak” gazetı: "Milli kredit bäyäläw oyışması kilä”

“Moody's” kredit bäyäläw oyışmasınıñ uzğan atnada Törkiyägä birgän skandal bilge arqasında tağın ber qat xäzerge torışları häm qararları soraw astına alınğan xalıqara kredit bäyäläw oyışmalarına qarşı Törkiyä xäräkätkä küçä. “Milli kredit bäyäläw oyışmasınıñ Bank êşçänlegen oyıştıru häm küzätü şurası (BDDK) tarafınnan bıyıl tözelüe planlaştırıla.

 

“Sabah” gazetı: "THYdän tarixi rekord”

Törek hawa yullarınıñ (THY) fevral’ ayında alıp barğan yulçı sanı, 2017nçe yılnıñ şul uq çorına qarağanda 26%qa artıp, 5 million 100 meñ yulçığa citte. THY tarixında berençe märtäbä fevral’ ayında 5 million yulçı sanın uzdırdı.



Bäyläneşle xäbärlär