Törek matbuğatına küzätü 08.03.2018

8 nçe mart könne basılıp çıqqan qayber törek gazetlarına küzätü

Törek matbuğatına küzätü 08.03.2018

 

 “Sabah” gazetı “Ärdoğan Ruxani belän telefonnan söyläşte” isemle xäbärendä Törkiyä ilbaşı Räcäp Tayyip Ärdoğannıñ İran ilbaşı Xasan Ruxani belän telefonnan söyläşüe turında yaza.

 Xäbärdän kürengänçä, söyläşüdä Könçığış Guta berençe çiratta bulu belän bergä Süriyädäge soñğı täräqqiyät’lär turında süz bardı. Ärdoğan häm Ruxani Könçığış Gutadağı dramanı beterü  öçen utnı tuqtatunı tormışqa aşıru tırışlıqların tizlätü mäs’äläsendä kileşte.

 

”Star” gazetı “Qotırtuçı ğamällärgä cawap qaytarılaçaq” isemle xäbärendä Törkiyä prem’yer-ministrı Binali Yıldırım belän Tön’yaq Kipr Törek Cömhüriyäte prem’yer-ministrı Tufan Ärhürmannıñ söyläşülärdän soñ urtaq matbuğat oçraşuı ütkärüen citkerä.

Gazet yazuınça,  prem’yer-ministr Yıldırım Törkiyäneñ Tön’yaq Kipr Törek Cömhüriyätenä teläktäşlek belderüne däwam itteräçägenä basım yasadı. Binali Yıldırım Urta diñgezdäge zondaj kiyerenkelege belän bäyle “Qotırtuçı ğamällärgä cawap qaytarılaçaq”dide.

 

”Xäbär Törek” gazetı “Dönyadağı tärtip”dokumental’ fil’mendä Putinnan Törkiyä süzläre” isemle xäbärendä “2018 nçe yılda dönyadağı tärtip” isemle dokumental’ fil’mdä süz alğan Rusiya Federaśiyäse däwlät başlığı Vladimir Putinnıñ Törkiyä belän tözelgän kileşülärneñ êşkä yarawı turında äytüen belderä.

 Xäbärdän kürengänçä, Putin” Töbäk illäre arasındağı mönäsäbätlär  ni xätle awır bulsa da ,Törkiyä häm İran belän söyläşü östäle artına utırdıq, qayber kileşülärneñ garantı buldıq. Bu kileşülär dä êşkä yarıy” dide.

 

”Xäbär Törek” gazetı “Nigez salu waqıtında qıya qaberläre tabıldı” isemle xäbärendä Törkiyädä Muğlanıñ Bodrum ilçäsendä nigez salu  öçen başlatılğan qazu êşläre waqıtında qıya qaberläre tabıluın xäbär itä. Älege tabıldıqlar belän bäyle tögäl mäğ’lümatlar qazu êşçänlekläre tögällängännän soñ bilgele bulaçaq.

 

”Vatan” gazetı “Törek Qorallı Köçläre  robot ğaskäri proyektı äzerli” isemle xäbärendä Törek Qorallı Köçläreneñ terrorğa qarşı köräş operaśiyälärendä qullanu öçen robot ğaskäri proyektı östendä êşläwen uquçıları belän urtaqlaşa.

 

 



Bäyläneşle xäbärlär