Törek matbuğatına küzätü 20.02.2018

 “Vatan” gazetı “Ärdoğan Afrika turına çığa” isemle xäbärendä Törkiyä ilbaşı Räcäp Tayyip Ärdoğannıñ 26 nçı fevral’-2 nçe mart könnärendä Aljir, Mavritaniya, Senegal häm Maliğa säfär yasayaçağı turında yaza.

 Gazet yazuınça,  oçraşularda kübräk iq’tisadi  mäs’älälär quzğatılaçaq.

 Räcäp Tayyip Ärdoğan êşlekle säfär belän kitäse illärneñ liderlarına Berläşkän Millätlär oyışmasında Kudüsneñ statusın saqlaw yaqlı tawış birüläre öçen räxmät belderäçäk.  

”Star” gazetı” Törek ağımı”nda diñgez öleşeneñ 48%ı tämamlandı” isemle yazmasında “Törek ağımı” tabiği gaz ütkärgeçe proyektınıñ diñgez öleşendäge ike liniyädä bügenge köngä qadär 884 çaqrım ütkärgeç salınuın häm tözeleşneñ diñgez öleşendäge 48%ınıñ tämamlanuın uquçıları belän urtaqlaşa.

”Xäbär Törek” gazetı “6 million yarım Qıtay turistı yaña yıl yalında” isemle xäbärendä 6 million yarım Qıtay turistınıñ üz illärendäge yaña yıl yalı säbäbe belän bu atnada çit ilgä kitärgä äzerlänüen citkerä.

Gazet yazuınça, 2018 nçe yılnıñ Qıtayda Törkiyä turizmı yılı bulu uñayınnan İstanbul, Kapadokya häm Pamukkalega ber atnada meñnärçä Qıtay turistınıñ kilüe kötelä.

 “Yäni Şafak” gazetınıñ “Yaponnar töreklärneñ tomat suın bik yarattı” isemle xäbärennän kürengänçä,Törkiyädä çığarılğan här 10 litr tomat suınıñ 7sen Yaponiya satıp alğan. Älege tovar barlığı 55 ölkägä cibärelä. Uludağ êksportçılar berleğennän alınğan mäğ’lümatlarğa qarağanda, Törkiyä uzğan yıl çitkä 3 meñ 238 tonna pomidor çığarğan. Tomat suı satu da artqan. Belgeçlär anıñ artuınıñ säbäpçese itep Yaponiyanı kürsätä. Uzğan yıl alar 2 meñ 271 tonna tomat suı satıp alğan.  İkençe urında Gong-Kong – 470 tonna, isemlekne Katar däwam itä – 63 tonna häm Angliya - 57 tonna.