Törek matbuğatına küzӓtü 09.02.2018

9 fevral' könne basılıp çıqqan qayber törek gazetlarına küzätü

Törek matbuğatına küzӓtü 09.02.2018

“Star” gazetı Törkiyӓ ilbaşı Ӓrdoğannıñ Törkiyӓ Böyek Millӓt Mӓclesendӓge törkem cıyılışında Süriyӓ, Ğiraq hӓm qalğan urınnarnıñ watannarınnan ayırmalı bulmawın assızıqlap: “Ber ğasır êlek bu cirlӓrne küñellӓrdӓn sörtep taşlawıbıznı uylawçılar bik yalğışa. Xӓzergӓ qadӓr başqarılğannar başlanğıç qına. Asıl adımnarıbıznı aldağı çorda yasayaçaqbız,” – dip ӓytüen citkerӓ.

“Sabah” gazetı “Ӓrdoğan Ruxani belӓn söylӓşte” isemle xӓbӓrendӓ Törkiyӓ ilbaşınıñ İran prezidentı Xӓsӓn Ruxani belӓn telefonda söylӓşüen yaza.

Xӓbӓrgӓ kürӓ ike dӓwlӓt başlığı Törkiyӓ belӓn İran arasında terrorçılıqqa qarşı körӓş hӓm iminlek mӓs’ӓlӓlӓrendӓ xezmӓttӓşlek artuınıñ söyenderüen belderde. İke lider Süriyӓ mӓs’ӓlӓsendӓge soñğı tӓraqqıyӓt’lӓr belӓn bӓyle bularaq fiker alıştı.

“Yӓni Şafak” gazetı Törkiyӓneñ Finans ministrı Naci Ağbalnıñ Törkiyӓ Böyek Millӓt Mӓclesendӓ üseş çamalawına tuqtalıp: “2017 yılda kürelgӓn çaralarnıñ tӓêsirlӓre uñay. Üseş mӓs’ӓlӓsendӓ 2018dӓ 5,5%lık üseşneñ bulacağın uylıybız. Berençe sannar iqtisadtağı üseş trendınıñ dӓwam itüen kürsӓtӓ, inflyaśiya tübӓnӓyӓ başladı,” – digӓn süzlӓren citkerӓ.

“Star” gazetı “Sӓnӓgӓt citeşterüe iñ yuğarı noqtada” isemle yazmasında Törkiyӓdӓge Statistika oyışması açıqlağan xisapqa kürӓ üseşneñ berençe kürsӓtkeçlӓrennӓn bulğan sӓnӓgӓt citeşterüebe dekabr’ ayında 7 yılnıñ iñ yuğarı noqtasına ireşep, 8,7%ka artuın uquçıları belӓn urtaqlaşa.

“Watan” gazetı “Angliyadan Törkiyӓ açıqlawı” isemle xӓbӓrendӓ Törkiyӓdӓge Angliya sӓwdӓ palatası başlığı Kris Gauntnıñ Törkiyӓ iqtisadınıñ ӓhӓmiyӓtenӓ iğtibarnı cӓlep itüen yaza.

Xӓbӓrgӓ kürӓ Angliyaneñ Awrupa Berlegennӓn kitüe hӓm Tamğaxanӓ berlege söylӓşülӓrennӓn soñ ixtimallı İrekle sӓwdӓ kileşüe öçen berençe êşçӓnlekne Törkiyӓ belӓn başlatuların beldergӓn Gaunt: “Angliya Tamğaxanӓ berlege söylӓşülӓre nӓticӓsenӓ kürӓ Törkiyӓ belӓn köçle İrekle sӓwdӓ kileşüen qararğa ӓzer hӓm teli. Şul rӓweşle Törkiyӓneñ üseş potenśialınnan barlıqqa kilӓçӓk forsatlarnı ıçqındırmabız.”



Bäyläneşle xäbärlär