Törek matbuğatına küzӓtü 02.01.2018

2nçe ğinwar könne basılıp çıqqan qayber törek gazetlarına küzätü

Törek matbuğatına küzӓtü 02.01.2018

“Watan” gazetı “2018dӓ terrorçılıq ӓz söylӓşelӓçӓk” isemle xӓbӓrendӓ Törkiyӓ premyer-ministrı Binali Yıldırımnıñ Isparta şӓhӓrendӓ yaña yılnıñ berençe yullamasın birüen yaza.

Xӓbӓrgӓ kürӓ Yıldırım 2018dӓ terrır mӓs’ӓlӓseneñ tağın da ӓz söylӓşelӓçӓgen citkerep: “Ber nӓrsӓne başqarıp çığaru öçen başta ışanırğa kirӓk. Bezneñ oyışmabız bu êşkӓ ışana hӓm körӓştӓge tӓwӓkkӓllegebez könnӓn-kön tağın da arta. Koordinaśiya bik möhim. Poliśiya, jandarmeriya, saqçı, ğaskӓri. Terrorçılıq belӓn körӓş tarixında berqayçan da kürelmӓhӓn rӓweştӓ xezmӓttӓşlek, koordinaśiya bar. Bu da nӓticӓgӓ uñay çağıla,” – dide.

“Watan” gazetı iqtisadtan cawaplı premyer-ministr urınbasarı Mӓxmӓt Şimşӓkneñ Ӓnkarada kön tӓrtibe belӓn bӓyle açıqlawlar yasawın citkerӓ.

Gazet yazuınça Şimşӓk: “Tışqı çığanaq tabuda awırlıq çikmӓyӓçӓkbez. Könbatış belӓn mönӓsӓbӓtlӓrebez tağın da yaxşı. Awrupa Berlege belӓn Törkiyӓ mönӓsӓbӓtlӓre özelmӓyӓçӓk. Soñğı viza krizisında da şunı kürdek, Törkiyӓ – AQŞ mönӓsӓbӓtlӓre dӓ naçaraymayaçaq. Törkiyӓneñ mönӓsӓbӓtlӓrendӓge bilgesezleklӓrne azaytuı tışqı çığanaq tabuda beraz ciñelӓytüçe rol’ uynayaçaq,” – dide.

“Yӓni Şafak” gazetı “Ağrı tawında kürende” isemle xӓbӓrendӓ Törkiyӓneñ könçığışında yӓşӓwe belenüçe, lӓkin sirӓk kürelüçe söyrӓlüçelӓrdӓn Topbaş kӓltӓseneñ Ağrı tawında kürelep, terkӓlüen yaza.

Xӓbӓrgӓ kürӓ nӓsele yuqqa çığıp baruçı bu kӓltӓ töre Iğdır Tabiğatne saqlaw hӓm Milli parklar mödirlege tarafınnan şӓhӓrdӓ yӓşӓwçe söyrӓlüçelӓr arasında terkӓlep, oyışmanın inventarenӓ östӓlde.



Bäyläneşle xäbärlär