Törek matbuğatına küzätü 01.12.2017

1nçe dekabr’ könne basılıp çıqqan qayber törek gazetlarına küzätü

859411
Törek matbuğatına küzätü 01.12.2017

“WATAN”: “Ärdoğan Merkel belän söyläşte”

İlbaşı Räcäp Tayyip Ärdoğan Germaniya Kanślerı Angela Merkel belän söyläşte. İlbaşı idaräse çığanaqlarınnan alınğan mäğlümatkä kürä, telefon söyläşüendä ike yaqlı mönäsäbätlär häm Süriyä küçärendä regional’ täräqqiyätlär quzğatıldı. Törkiyä, Rusiyä häm İran qatnaşuında 22nçe noyabr’dä Rusiyäneñ Soçi şähärendä uzğan yuğarı däräcäle oçraşu xaqında İlbaşı Ärdoğan Merkel belän mäğlümat urtaqlaşqan söyläşü waqıtında qaçaqlar mäs’äläsenä dä tuqtalıp uzıldı. Merkel Süriyäle qaçaqlar belän bäyle bularaq Törkiyägä süz birelgän Awrupa Berlege yärdämnäreneñ citkerelüeneñ tizlätelüe öçen tırışaçağın belderde. İke lider “PKK” separatist terror oyışması belän ber rättän böten terror oyışmaları belän köräştä xezmättäşlekneñ möhimlegenä basım yasadı.

“YÄNİ ŞAFAK”: “Kümerdä ışanıçlı taw sänäğäte”

Ênergetika häm tabiği çığanaqlar ministrı Bärat Albayraq ênergetikada çitkä bäylelektän qotılu öçen ışanıçlı kümer taw sänäğäten qoraçaqların äytte. İkençe cirle kümer cıyılışında çığış yasawçı Albayraq: “Böten kümer taw sänäğätendä aqıllı kümer çorın başlatabız. Strategiyabıznı keşe üzäkle, belem üzäkle, ütä kürenmäle häm açıq citäkçelek belän bergä öç öleş nigezendä tözedek”, - dip äytte.

“SABAH”: “Törek avtomobil’ firmaları “Automechanika Şanxay” yärminkäsendä”

Uludağ avtomobil’ industriyäse êksportçıları berlege (OİB) ber yılda 72 milliard dollar avtomobil’ importın yasawçı Qıtay bazarınnan Törkiyä alğan paynı, öleşne arttıru öçen “Automechanika Şanxay” yärminkäsendä 37 törek şirkäte belän milli qatnaşunı täêmin itte. Dön’yanıñ 140 ilennän 130 meñgä yaqın keşe kilgän “Automechanika Şanxay” yärminkäsendä törek firmaları zur iğtibar kürde.

“STAR”: “Yıl axırında 31,4 million turistnı qunaq itkän bulaçaqbız”

Mädäniyät häm turizm ministrı Numan Kurtulmuş bıyılğı 10 ayğa qarağan çaqta yaña çorğa kerüneñ işarätläreneñ alınuın belderep, yıl azağında 31,4 million turist sanına häm 26 milliard dollarlıq keremgä citeläçägen äytte. Antaliyada oyıştırılğan 7nçe Xalıqara resort turizm kongressında çığış yasawçı Kurtulmuş: “Törkiyä turist sanı belän tügel, turizmnan alğan kerem belän dönyanıñ möhim illärennän bulaçaq”, - dip äytte.

“XÄBÄR TÖREK”: “TÜRKÖKtä 500nçe küçertü tormışqa aştı”

Söyäk celegen küçertüne kötkän xastalarnıñ ömete bulğan Törkiyä tamır küzänäk koordinaśiyası üzägendä (TÜRKÖK) 500nçe küçertü başqarıldı. Sälamätlek saqlaw ministrlığı häm “Törek Qızılay” xezmättäşlege belän 2015nçe yılnıñ 1nçe aprel’ könne tormışqa aşırılğan TÜRKÖKneñ 500nçe küçertü tantanasında qatnaşqan Sälamätlek saqlaw ministrlığı kiñäşçe urınbasarı Älif Gülär Qazancı sälamätlek saqlaw turizmı qısalarında Törkiyägä kilgän xastalarnıñ da organ küçertä aluların belderde. Universitetlarda häm xastaxanälärdä tamır küzänägen küçertüneñ başqarıluın assızıqlawçı Qazancı 84 üzäktä bu xezmätneñ birelüen äytte.



Bäyläneşle xäbärlär