Törek matbuğatına küzätü 10.11.2017

10nçı noyabr' könne basılıp çıqqan qayber törek gazetlarına küzätü

Törek matbuğatına küzätü 10.11.2017

“Xörriyät” gazetı “Batmawçı qoyaş” isemle xäbärendä bügen Olı lider Mostafa Kämal Atatörek yaqtı dönyadan kitüeneñ 79 yıllığınıñ buluın yaza.

Xäbärgä kürä anıñ zamança, demokratik Törkiyä vizionınıñ qimmäte könnän-kön tağın da yaxşı añlaşıla. Törek xalqı zamança Törkiyäne qorğan Mostafa Kämal Atatörekne yaratu, xörmät häm sağınu belän iskä ala.

“Watan” gazetı “Yaña bit açılaçaq” isemle yazmasında Törkiyä premyerı Binali Yıldırımnıñ Amerika Quşma Ştatları vise-prezidentı Mayk Pens belän küreşep söyläşüen citkerä.

Gazet yazuınça Yıldırım Vaşingtonnan N’yu Yorkka barğanda oçqıçta jurnalistlarğa söyläşüneñ bik näticäle uzuın, problemalarnıñ êçkersez häm ap-açıq räweştä söyläşelüen, ike yaqlı häm regional’ mäs’älälärneñ qaraluın belderde.

“Yäni Şafak” gazetı Törkiyä premyer-ministrı Binali Yıldırımnıñ Amerika Quşma Ştatlarında BMO ğomüm särqätibe Antonio Guterres belän küreşep söyläşüen yaza.

Xäbärdän kürengänçä Yıldırım söyläşü belän bäyle yasağan açıqlawında Guterresnıñ qaçaqlar krizisı mäs’äläsendä Törkiyä yögen añlawın häm üzläreneñ BMO äğzaläreneñ bu yökne urtaqlaşuların kötülären belderde.

“Sabah” gazetı 2020 häm 2021nçe yıllarda oçırtılaçaq Türksat iyärçennäre öçen imzalarnıñ quyıluın citkerä.

Gazet yazuınça tanılğan käsepçe Êlon Mask şirkäte oçırtaçaq iyärçennär Törkiyäne global’ operatör yasayaçaq. Airbus şirkäte belän Türksat 5A häm 5B êlemtä iyärçennäreneñ citeşterelüe häm oçırtıluın üz êçenä aluçı 500 million dolarlık kileşü imzalandı.

“Star” gazetı Törkiyänen avtomobile proyektında citeşterüçe şirkätlärneñ bilgelänüennän soñ êşçänleklärgä tizlekneñ östälüen xäbär itä.

Gazet yazuınça Belem, sänägät häm texnologiya ministrı Faruk Özlü: “Cirle avtomobil’ Törkiyäneñ genä tügel, ä dönya proyektı. Bez dä bügenge köndä şaqtıy xalıqara şirkät kebek dönyanıñ törle urınnarında avtomobil’ êşxanälären qorunı uylıybız,” – dide.



Bäyläneşle xäbärlär