Törek matbuğatına küzätü 17.07.2017

17nçe iyül’ könne basılıp çıqqan qayber törek gazetlarına küzätü

Törek matbuğatına küzätü 17.07.2017

 “Xäbär Türk” gazetı “15nçe iyül’neñ millionnarça qaharmanı bar” dip atalğan yazmasında 15nçe iyül’ şähitlär häykäleneñ açılışında çığış yasawçı İlbaşı Räcäp Tayyip Ärdoğannıñ: "Dastannarnıñ ber qaharmanı bulır, 15nçe iyül’neñ isä millionnarça qaharmanı bar”, - dip äytüen citkerä.

“Yäni Şafak” gazetı Törkiyä dastannı qotlıy” isemle yazmasında 15nçe iyül’ tüntäreleş kereşüeneñ 1 yıllığında İstanbulda häm Änkarada uzdırılğan iskä alu cıyınnarınıñ dönya matbuğatında kiñ yañğıraş tabuın xäbär itä.

“Xörriyät” gazetı Dönyaküläm tanılğan aktrisa Liv Tyler Törkiyädä” isemle yazmasında Amerikalı tanılğan aktrisa Liv Tylernıñ YUNESKO dönya mädäniyät mirası isemlegendä bulğan Äfäs borınğı qalasına kilüe turında yaza.

“Sabah” gazetı “Arıslan – dönya çempionı” isemle yazmasında 400 metrlıq öskä taba yögerü yarışı bulğan “Red Bull 400” Dön’ya çempionatında irlär arasında Törkiyäne wäkillek itkän Äxmät Arıslannıñ alman köndäşen ciñüen xäbär itä. Gazet xatın-qızlarda isä Äcä Bakıcınıñ altınçı buluın yaza.

“Watan” gazetı “İñ yaxşı unda ber törek şef-povorı” isemle yazmasında Mardinli  şef peşerüçe häm sośial’ êşquar Äbru Baybara Dämirneñ dönyanıñ iñ däräcäle aş-su mädäniyäte bäygesen “Bask Dön’ya aşçılıq büläklärendä berençe unğa kerep finalgä uzuın xäbär itä.



Bäyläneşle xäbärlär