Törek matbuğatına küzätü 02.06.2017

2nçe iyun' könne basılıp çıqqan qayber törek gazetlarına küzätü

Törek matbuğatına küzätü 02.06.2017

“Yäni Şafak” gazetı “Törkiyä balaları, bu millätneñ yörägendä sez” isemle xäbärendä Törkiyäneñ Şırnak cirlegendä boralaq qazasında şähit bulğan 13 qaharman öçen yılawın yaza.

Xäbärgä kürä 43 kön buyı legendar köräştän soñ Kato tawın separatist PKK terror oyışmasınnan çistartıp, qoral depoların yuqqa çığarğqan general-leytenant Aydoğan Aydın häm törkeme doğalar belän soñğı yullarına ozatıldı.

Gazet yazuınça general-leytenant Aydınnıñ cänaza cıyını Änkarada Äxmät Hamdi Aksäki mäçetendä oyıştırıldı. Diyanät êşläre başlığı Mäxmät Görmäz qıldırğan cänaza namazında Törkiyä ilbaşı Ärdoğan, yuğarı däräcäle däwlät räsmi zatları häm watandaşlar qatnaştı.  

“Xäbär türk” gazetı “Ärdoğannan AQŞqa qırıs reakśiya” isemle yazmasında Törkiyä ilbaşı Räcäp Tayyip Ärdoğannıñ İlbaşı kölliyätendä oyıştırılğan “38nçe Starostalar cıyılışı”nda yasağan çığışın citkerä: “Amerikada bügengä qadär ütälüçe tradiśiya bar ide. Här Ramazan ayında diyärlek tışqı êşlär ministrları andağı möselmannarğa iftar aşı oyıştıra ide. Fäqat’ bu Ramazanda AQŞ Däwlät departamentı bu iftar aşın ğamäldän çığarğan. Separatizm yuq ide bit, närsä buldı? Sez bit inanu iregenä qarşı tügel idegez? Bu başqarağannarığız närsä soñ?

“Sabah” gazetı “Êksportta maqsat – rekord” isemle xäbärendä uzğan yılnı iqtisadqa öleş kertä almağan êksportnıñ bıyıl üseş işarätlären birüen citkerä.

Xäbärdän kürengänçä uzğan yılnın noyabr’ ayınnan bügengä qadär däwamlı artqan êksport may ayında da 15,8%ka artıp, 12,4 milliard dollardan arttı. 5 aylıq êksport isä 10%lık artış belän 63,1 milliard dollarğa citte. 12 aylıq êksport 5,2%ka artıp, 147 milliard dollarğa çıqtı.

“Xörriyät” gazetı “Rusiyädäge xatın-qız rässamnar "İstanbulnı tıñlıy” isemle xäbärendä Rusiyädän Törkiyägä kilep urnaşqan İstanbuldağı 5 xatın-qız rässamnıñ Orhan Wäli Kanıknıñ “İstanbulnı tıñlıym” şiğıren bik yaratuların häm şiğır’ isemen kürgäzmä iseme itep quyuların äytülären yaza.

Xäbärgä kürä Yevgeniya Lilina Yayıkoğlu, Aygöl Okutan, Tat’yana Kirillova, Korneliya Margan häm Anna Lukaşevskayanıñ äsärlärennän toruçı kürgäzmä 20nçe iyun’ könenä qadär baraçaq.



Bäyläneşle xäbärlär