Törek matbuğatına küzätü 18.05.2017

18nçe may könne basılıp çıqqan qayber törek gazetlarına küzätü

Törek matbuğatına küzätü 18.05.2017

“Xäbär Türk” gazetı “İlbaşı Ärdoğan: Süriyä mäs’äläsendä işegebezne şaqıldataçaqlar” dip atalğan yazmasında İlbaşı Räcäp Tayyip Ärdoğannıñ Amerika Quşma Ştatlarındağı oçraşularınnan soñ Törkiyäneñ Waşington ilçelege binasında jurnalistlarğa yasağan açıqlawların citkerä:

“Jurnalistlarğa AQŞ İlbaşı Donal’d Tramp belän söyläşüen bäyäläwçe İlbaşı Ärdoğan, Amerika Quşma Ştatlarınıñ Süriyädä “PYD” terror oyışması belän xezmättäşlegeneñ qatği räweştä qabul itelmäslek wazğiyät buluın belderep: “Min Süriyä mäs’äläsendä işegebezne şaqıldataçaqlarına da ışanam. Xäzerge waqıtta Rakkanı çolğap alğannar. Nilär bulaçağın küräçäkbez. Ämmä töbäktä Törkiyä motlaq räweştä bulaçaq. Süriyädä dä, Ğiraqta da (Ğıyraqta da) bulaçaq. Qarar qabul itüdä dä Törkiyä êşneñ tışında totıla alınmas. Aldıbızda NATO sammitı bar. Biredä dä terrorçılıq möhim kön tärtibe maddäse. Bu mäs’älälär anda da quzğatılaçaq”, - dip äytte.”

“Star” gazetı “Dön’ya biştän zurraq” äytemenä Guterres yaqlawı” isemle yazmasında İlbaşı Räcäp Tayyip Ärdoğannıñ yıllar buyı basım yasap kilgän Berläşkän Millätlär Oyışması İminlek şurasınıñ statusı mäs’äläse öçen "Dön’ya 5tän zurraqtır” äytemen bu yulı  BMO Ğomum särkätibe Antonoio Gutteresneñ yaqlap çığuın belderä:

“BMO Ğomum särkätibe Guterres Franśiyanıñ Strazburg qalasında uzuçı Awrupa parlamentı ğomum şurasında yasağan çığışında: "Berläşkän Millätlär Oyışmasınıñ tağın da täêsirle buluı öçen reformağa ixtıyacı bar. BMOnıñ reforması berençel mäs’älä. Äğza il xalıqlarınıñ ışanıçın qazanuıbız zarur”, - dip äytte.”

“Sabah” gazetı “Törek şirkätläreneñ çit ildäge investiśiyäläre 10 märtäbä arttı” dip atalğan yazmasında Tışqı iqtisadi êlemtälär şurası DEİKneñ çit illär investiśiyäläre êş şurası häm “Bain&Company” tarafınnan Törkiyä şirkätlärenä qağılışlı bularaq qamilläşterelgän 2017nçe yıl çit illärdä kapital salu indeksın açıqlawın yaza:

“Xisapqa kürä, Törkiyä şirkätläre 10 yılda 28 milliard dollar külämendä berläşü häm satıp alu êşlären başqarğan bulsa, 8 milliard dollarlıq yaña proyektlarğa kapital saldı. DEİK Başlığı Ömär Cihad Vardan çit ildä investiśiyälärneñ soñğı 15 yılda 10 märtäbä artuın häm artu tendenśiyäseneñ dä däwam itüen belderde. “Bain&Company” Şirkät urtağı Volkan Qara isä: "Global’ berläşü häm satıp alular 13%lıq artış belän 831 milliard dollarğa citte", - dip äytte.”

“Xörriyät” gazetı “Mäskäwdä törek festivale” isemle yazmasında Törkiyäneñ mädäni, turistik häm sänğät qimmätlären Mäskäwgä alıp baraçaq “Törkiyä festivale”neñ illär duslığına öleş kertäçägen assızıqlıy:

“Festival’ Törkiyä mädäniyät häm turizm ministrlığınıñ yärdäme, Törkiyä qunaqxanälär federaśiyası (TÜROFED), Törkiyä säyäxät agentlıqları berlege (TÜRSAB), Törkiyä turizm investorları cämğiyäte (TYD), Turist gidları berlege (TUREB), Törkiyä qunaqxanälär berlege (TÜROB) häm Rusiyä-Törkiyä êşmäkärläre berlegeneñ (RTİB) öleş kertüe belän 16nçı-18nçe iyün’ könnärendä ütkäreläçäk.”

“Watan” gazetı ““Türk Telekom”ğa innovaśiya büläge” dip atalğan yazmasında “Türk Telekom”nıñ dönyanıñ aldınğı sanaq programmasın yazuçı şirkätlärdän “SAP”nıñ “SAP HANA innovaśiya büläkläre 2017” qısasında 150 möräcäğät arasınnan alğa çığıp “Maxsus däräcä büläge”nä layıq buluın xäbär itä:

“Texnologiya dönyası öçen global’ däräcädä ähämiyäte bulğan büläkneñ alınuında “Türk Telekom”nıñ finans operaśiyası, xisap äzerläw, planlaştıru häm citeşterüçänlek barışlarınıñ ber sistemağa integraśiyälänep, näticälelek häm tizlek artuınıñ täêmin itelüe täêsirle rol’ uynadı.”



Bäyläneşle xäbärlär