Törek matbuğatına küzätü 21.04.2017

21nçe aprel' könne basılıp çıqqan qayber törek gazetlarına küzätü

Törek matbuğatına küzätü 21.04.2017

“Xäbär türk” gazetı “Ärdoğan: 16-17nçe mayda Tramp belän küreşäm” isemle xäbärendä Törkiyä ilbaşı Ärdoğannın “A N’yus” televideniyesına yasağan açıqlawında AQŞ däwlät başlığı Donal’d Tramp belän 16-17nçe may könnärendä küreşep söyläşäçäklären äytüen yaza.

Xäbärgä kürä söyläşüdä qaralaçaq mäs’älälärgä tuqtalğan Törkiya ilbaşı Fätullahçı terror oyışması atamanının AQŞta qaluınıñ üzlären borçuğa saluın belderep: “Xörmätle Tramp Obamanıñ başqarmağanın başqaraçaq. Kim digändä mondıy qarar aluın kötäbez. Süriyäne dä söyläşäçäkbez. Äsäd belän bu êş barıp çıqmayaçaq. Süriyä xalqı xup küräçäk isem belän waqıtlıça kiñäşmä belän däwam itterü tağın da döres bulaçaq dip härwaqıt äyttek. Bu barışqa taba barabız,” – dide.

“Watan” gazetı “Könbatışqa höcüm itmäsä, terror oyışması tügel” isemle xäbärendä İlbaşı idaräse süzçese İbrahim Qalın ber programmada yasağan çığışında mäzhäbi bäreleşlär mäs’äläsendä kisätü yasawın citkerä.

Gazet yazuınça terrorçılıq mäs’äläsen “DEAŞ” häm Äl Kaidä kebek terror oyışmaları belän çikläwneñ zur xata buluın assızıqlağan Qalın tübändägeçä citkerde: “Könbatış xalqına höcüm itmäsä, terror oyışmaları terrorçı bularaq qabul itelmi. PKK Törkiyägä höcüm itkäne öçen PYD, YPG Süriyädä, Süriyä xalqına zolım itä, annan Törkiyägä höcüm itkäne öçen ähämiyät birelüçe terror oyışmasına äylänmi.”

“Yäni Şafak” gazetı “Ärdoğan ğaräplärneñ dä räise” isemle yazmasında Livan başqalası Bäyruttağı Saint Djosef Universitetında säyäsät beleme professorı bulğan Yana Yabornıñ Törkiyä ilbaşı Ärdoğannın ğaräp dönyasında da räis bularaq kürelüen äytüen citkerä.

Xäbärgä kürä Yabor: “Şaqtıy ğaräp keşese Ärdoğannı Yaqın Könçığış häm ömmät öçen ömet bularaq kürä. Könbatışqa qarşı kilü häm möselman dönyasınıñ däğwasın yaqlaw batırlığına räxmätle alar,” – digän.

“Sabah” gazetı “Farsı qultığı kapitalı Şanlıurfağa kilä” isemle xäbärendä Ministrlar kabinetınıñ Kapital saluğa yaqlaw kürsätü häm tanıtu agentlığı belän Karacadağ qalqınu agentlığı oyıştıruında Soğud Ğaräbstanı, Qatar, Kuveyt häm Baxreynnan 50 êşmäkärneñ igençelek häm terlekçelek ölkäsendä Törkiyäneñ Şanlıurfa şähärenä baruın yaza.

Xäbärdän kürengänçä Farsı qultığı illäre belän igençelek häm terlekçelek ölkälärendä säwdäne üsterü häm bu illärdän bu ölkälärdä töbäkkä investor cälep itü maqsatı belän Törkiyädäge ğaräp iniśiatorları vilayät citäkçeläre belän oçraştı.



Bäyläneşle xäbärlär