Törek matbuğatına küzätü 24.06.2016
24nçe iyün’ könne basılıp çıqqan qayber törek gazetlarına küzätü
“Hürriyät” gazetı “Ärdoğannıñ referendum replikası” dip atalğan yazmasında İlbaşı Ärdoğannıñ Törkiyäneñ Awrupa Berlegenä äğza buluı belän bäyle bularaq referendumnıñ ütkärelä alınaçağın äytkännän soñ Tışqı êşlär ministrı Mäwlüt Çavuşoğlunıñ da, Awrupa Berlegeneñ süzendä tormawı arqasında ışanıç krizisınıñ buluına basım yasap, monnan soñ Awrupa Berlege belän niçek däwam itelüen xalıqtan sorıy alaçaqların äytüen citkerä.
“Yäni Şafak” gazetı “Awrupa Berlege terättergän terrorçılıq qanunına imza salmıybız” isemle yazmasında Törkiyäneñ Awrupa Berlegennän cawaplı ministrı häm baş söyläşüçe Ömär Çälikneñ terror mäs’äläsendä Awrupa Berlege belän dialoglarda anıq itep söyläşülären belderüen yaza.
Yazmada bolay diyelä: “Çälik: “Törkiyäneñ terrorçılıq belän köräş köçendä azayu kebek närsä turında süz bula almıy. Moña imza quya almıybız”, - dip äytte. Keşe xoquqları häm xökem çığaru ölkäsendä küp sanda reforma ütkärülären belderüçe Çälik: “Yänä dä borçılu bulsa, böten bu literaturanıñ asılın täşkil itüçe texnik mexanizm – 23nçe häm 24nçe başçalar. Açıyq bolarnı häm barısın da Awrupa Berlege belän söyläşik. Başçanı açmıyça häm başçanı yapmıyça, äyterseñ, Awrupa Berlegenä irtägä äğza bulaçaqbız kebek kriteriylärneñ ütälüe digän ber närsä yuq”, - dip äytte.”
“Star” gazetı “Törkiyä suastı köymäse tenderın Franśiyağa qarşı qazandı” dip atalğan yazmasında soñğı yıllarda şaqtıy cirle êşlänmä häm möxändislek-injeneriya êşçänlegen tormışqa aşırğan Törkiyäneñ saqlanu sänäğäte êksport ölkäsendä dä bu uñışlarnıñ näticäsen cıyuın yaza häm Paqıstan saqlanu citeşterü ministrlığı iğlan itkän suastı köymäsen modernizaşiyäläw tenderın Törkiyäneñ ciñüen xäbär itä.
“Habärtürk” gazetı “Xökümättän yaña milek tınıçlığı adımı” isemle yazmasında Törkiyä Böyek Millät Mäclesenä tapşırılğan yaña qanun ölgese belän salımsız milek tınıçlığınıñ tärtipkä salınaçağın assızıqlıy.
Yazmada bolay diyelä: “Çit illärdäge aqça, altın, obligaśiyä akśiyä kebek mölkätlären 31nçe dekabrgä xätle Törkiyägä kiteräçäk şirkätlärdän yäki şäxeslärdän bernindi salım alınmayaçaq, bu aqça arqasında kontrol’ ütkärelmäyäçäk.”
“Sabah” gazetı “Parijda ber uç xätle irek” isemle yazmasında dönyağa keşe xoquqları mäs’äläsendä däres birergä totınğan Franśiyädä êş qanunına qarşı hönärçe berlekläre oyıştırğan protest çaralarına qarata iminlek köçläre kürgän çaralar turında mäğlümat birep uza.
İlbaşı Ollandnıñ, hönärçe berleklären kisätep: “Axırğaça toraçaqbız”, - dip äytüen yazuçı gazet Könbatış matbuğatınıñ isä Franśiyädä yäşängän borçılırlıq täräqqiyätlärne yäşerergä tırışuın belderä.
