Törek matbuğatına küzätü 03.02.2016

“Star” gazetı “Ärdoğan: "Parijdağı terrornı gäyepläwçelär Törkiyädägenä ni öçen tawışsız qaldı?” dip atalğan yazmasında İlbaşı Räcäp Tayyip Ärdoğannıñ “PKK”nı terror oyışması itep iğlan itkän Amerika Quşma Ştatları häm Awrupanıñ “PYD” terror oyışması belän xezmättäşlek urnaştıruına reaktsiya kürsätüen citkerä.

Gazet Ärdoğannıñ: ““PYD”gä “DEAŞ” belän köräşä diyep terror oyışması tügel dip äytä almassız. Ayırımlılıq yasasağız, bäyäse bik awır bulır. Awrupada terror çarası bulğan çaqta dönya ayaqürä kütärelä. Törkiyädä bulğan çaqta ni öçen tamaşa qıla? Monıñ cawabın tabarğa kiräk”, dip äytep, ikele standart kürsätkän dönyağa reaktsiya belderüen yaza.

“Vatan” gazetı "Barrikadalarnıñ 99% bette” isemle yazmasında Törkiyä eçke eşlär ministrı Äfkan Alanıñ Şırnaknıñ Cizrä ilçäsendä alıp barılğan terror operatsiyäläre belän bäyle bularaq: “Barrikadalarnıñ beterelüe, bomba caylanmalarınıñ yuqqa çığarıluı 99%qa citte. 80-100 öy tiräsendä ber urın qaldı. Berniçä kön eçendä çistartılaçaq,” – dip äytüen citkerä.

Gazet yazuınça ministr Ala Diyarbakırnıñ'ın Sur ilçäsendä dä barrikadalarnıñ 85-90%nıñ çistartıluın, ber-ike atna eçendä tulısınça betereläçägen äytte.

“Yäni Şafak” gazetı "Möhacir departamentı tözelä” dip atalğan yazmasında İminlek ğomum mödirlege qarşında Möhacir kontrabandası belän köräş departamentınıñ tözeläçägen xäbär itä.

“Sabah” gazetı "Törkiyädä köçle üseş däwam itäçäk” isemle yazmasında IMF Xalıqara valyuta fondınıñ Törkiyä iqtisadında köçle üseşneñ däwam itäçägen açıqlawın belderä.

“Hürriyät” gazetı "Kesä telefonı häm planşet êkrannarında 4.5G yazaçaq” dip atalğan yazmasında elemtä operatorlarınıñ baza stantsiyälärennän fiber asqormağa qädär iñ tiz mobil internet 4.5G öçen başqarılğan eşçänlek turında mäğlümat birep uza.