Törek matbuğatına küzätü 11.07.2014

11 nçe iyül könne basılıp çıqqan qayber törek gazetlarına küzätü

Törek matbuğatına küzätü 11.07.2014

“Vatan”gazetı “36 säğättä 400 tonna bomba” isemle xäbärendä İzrail armiyäseneñ “Saqlawçı liniya”operatsiyäseneñ berençe ike könendä Ğazzägä 400 tonnadan kübräk bomba belän höcüm itüen belderä.


Gazet İzrailneñ 2012 nçe yılda 8 kön däwam itkän “Bolıt bağanası” operatsiyäsendä höcüm itkan maqsat sanına soñğı operatsiyädä 36 säğättä ireşüen citkerä.


“Yäni Şafak”gazetı “Ğazzä öçen aşığıç cıyılış”isemle xäbärendä İzrailneñ Ğazzäga hawadan häm diñgezdän höcümnär başlatuınnan soñ İslam xezmättäşlek oyışması başqarma komitetınıñ Soğud Ğaräbstanınıñ Ciddä qalasında çirattan tış cıyıluı turında yaza.


Gazet cıyılışta Törkiyäne wäkillek itüçe premyer-ministr urınbasarı Ämrullah İşlärneñ İzrailne Ğazzägä höcümnären tuqtatırğa çaqıruın belderä.


Xäbärdä Törkiyä premyer-ministrı Räcäp Tayyip Ärdoğannıñ Ğazzägä aşığıç räweştä yärdäm cibärü boyırığı birüe dä citkerelä.


“Akşam”gazetı “OECD farazın 3,3%qa kütärde” isemle xäbärendä ike yılda ber tapqır äzerlänüçe “Törkiyäneñ itisadi anketası” isemle xisapta OECDnıñ Törkiyäneñ bıyılğı üseş farazın 3,3%qa kütärüen belderä.


Gazet may ayındağı xisapta bu kürsätkeçneñ 2,8% buluın citkerä.


“Sabah”gazetı” Käsäbäçelektä Awrupa liderı” isemle xäbärendä üzäge Angliyädä urnaşqan ber beleşmä şirkäte ütkärgän tikşerenügä kürä , käsäbäçelek iñ yuğarı bulğan Awrupa ileneñ Törkiyä buluın xäbär itä.


“Xäbär Türk”gazetı “5 ayda 15 million turist” isemle xäbärendä Törkiyäneñ tanılğan turizm şähärlärennän berse bulğan Antalyağa kilüçe turist sanınıñ arta baruı turında yaza.


Gazet ağımdağı yılşnıñ berençe 5 ayında Antalyağa kilgän turist sanında uzğan yılnıñ şul uq çorı belän çağıştırğanda artış küzätelüen belderä.


Xäbärdä Antalyağa 2013 nçe yılnıñ berençe 5 ayında 14 million 942 meñ 545 turist kilüe,bıyılğı 5 ayda bu kürsätkeçneñ 15 million 177 meñ 712gä citüe assızıqlana.


“Vatan” gazetı Awrupa äzer beton berlegeneñ 2015 nçe yılğı kongressınıñ Törkiyäneñ İstanbul qalasında 2015 nçe yılnıñ 4-5 iyün könnärendä uzaçağın xäbär itä.


“Milliyät” gazetı sport säxifäsendä urıın alğan “Yaña maqsat-2018” isemle xäbärendä Argentina-Gollandiya matçın uñışlı alıp baruçı Törkiyä sudyası Cinäyt Çakırnıñ xäzerdän üz maqsatın bilgeläwen belderä.


Xäbärdä tanılğan sudyanıñ 2018 nçe yılda Rusiyädä uzaçaq Bötendönya kubogında final matçın alıp baru öçen tırışaçağı citkerelä.

 


Etiketlar:

Bäyläneşle xäbärlär