Törek matbuğatına küzätü 10.07.2014

10nçı iyul könne basılıp çıqqan qayber törek gazetlarına küzätü

Törek matbuğatına küzätü 10.07.2014

“Milliyät” gazetı “Gazzäneñ ülgän balaları” isemle xäbärendä İzrail armiyaseneñ Gazzägä yünälgän hawadan höcümnärendä 2 köndä ülüçelär sanınıñ 50dän artuın, yözlärçä keşeneñ yaralanuın yaza.

Yaqtı dönyadan kitüçelär arasında distälärçä bala-çağa häm xatın-qıznıñ buluın citkerüçe gazet 2000nçe yıldan bügenge köngä qadär ğomere özelgän Fälästinle bala-çağa sanınıñ 1407 buluın belderä.

“Sabah” gazetınıñ iqtisad säxifäsendä urın alğan “Abalıulı AQŞta eşxanä aça” isemle xäbärendä Denizli şähärendäge Abalıulı Holdingnıñ Amerikada berençe eşxanäsen qoraçağı citkerelä.

Gazet 42 million dollarlık investitsiya belän qorılaçaq baqır eşxanäseneñ 300 keşene eş belän tä’min itäçägen uquçıları belän urtaqlaşa.

Gazet New Mexico ştatındağı Santa Teresa töbägendä urnaşqan sänägät parkında tözelüe planlanğan qorılmanıñ 24 meñ tiräse m2 lık mäydannı biläp toraçağın yaza.

Xäbärdä eşxanäneñ 2015nçe yılda citeşterä başlayaçağı da urın ala.

“Star” gazetı “65 meñ keşene qunaq itäçäk” isemle xäbärendä mebel häm bäyläneşle sänägät, urman industriyase ölkalärendä Törkiyä häm dönyadağı lider şirkätlärneñ oçraşu urını bulğan Ağaç eşkärtü texnikası yärminkäseneñ İstanbulda 27nçe sentyabr – 1nçe üktäbr könnärendä uzaçağın yza.

Gazet uzğan yılnı 30 ildän 880 şirkät häm wäkilläre qatnaşqan yärminkäneñ bıyıl 12%ka üsep, 14 zalda açılaçağın belderä.

Gazet 30dan artıq ildän meñ tiräse şirkät häm wäkilläreneñ qatnaşuı kötelgän yärminkäneñ tarmaqtağı barlıq täraqqıyätlärneñ häm yañalıqlarnıñ berençe tuqtalışı bulaçağına iğtibar cälep itä.

Xäbärdä yärminkäneñ 90 ildän 65 meñnän artıq qunaqnı qabul itäçägenä basım yasala.

“Vatan” gazetı “Eksportlanğan 100 maşinadan 73ese Awrupa Berlegenä” isemle xäbärendä törek avtomobil tarmağı eksportınıñ berençe yartıyıllıqta Awrupa Berlege bazarında uzğan yıl belän çağıştırğanda üsüen yaza.

“Akşam” gazetı sport säxifäsendä urın alğan xäbärendä Dönya kuboğında Hollandiyanı ciñgän Argentinanıñ finalğa çığuın citkerä.

Gazet Argentinanıñ finalda Germaniyaneñ köndäşe bulaçağın uquçıları belän urtaqlaşa.

 


Etiketlar:

Bäyläneşle xäbärlär