Törek matbuğatına küzätü 05.07.2014

5nçe iyül könne basılıp çıqqan qayber törek gazetlarına küzätü

Törek matbuğatına küzätü 05.07.2014

“Milliyät” gazetı: "Elektrda 7 milliard liralıq däw kapital salu”.

“Energetika häm tabiği çığanaqlar ministrı Tanär Yıldız: “Uzğan yılnıñ iyün ayında 60 meñ 121 megawat bulğan Törkiyä tuplam qorılğan köçe 2014nçe yılnıñ iyün ayında 11% artış belän 66.632 megawatqa citte. Stantsiya sanı isä şul uq çorda 20.4%qa arttı”, - dip äytte.”

“Yäni Şafak” gazetı: "Törek ğalimnäre Awrupa citäkçelegendä”

“Ankara universitetı tıyp-meditsina fakultetı kardiologiya beleme bülege başlığı professor doktor Çätin Ärol Awrupa kardiologiya cämğiyäteneñ (European Society of Cardiology) idarä şurası äğzase bulıp saylandı.”

“Sabah” gazetı: "400 meñ törek xatın-qızına Germaniyadan eş xaqı”

“Germaniyada eşläwçe törek xatın-qızlarına söyeneçle xäbär. Qısqa ber waqıt buyı bulsa da Germaniyada eşläp ilenä qaytqan änilärgä pensiya aqçası tülänäçäk.”

“Milliyät” gazetı: "Balık totuçı Eros mozaikası tabıldı”

“Adananıñ Yumurtalık ilçäsendä artqı öleşe balıq qoyırığı bulğan at östendä balıq totuçı Eros figurası taswirlanğan ikençe mozaika tabıldı.”

“Akşam” gazetı: "Liverpool törek uyınçısın räsmi räweştä açıqladı”

Angliya Premier Ligası törkeme “Liverpool” “Bayer Leverkusen”dä forma kiygän çığışı belän törek bulğan alman urta mäydan uyınçısı Ämrä Can belän räsmi räweştä kileşüen belderde.


Etiketlar:

Bäyläneşle xäbärlär